- Otne ii oba leat ge kollektiivafálaldat máŋgga sajiin, ja dábálaš olbmot leat ge danin bággejuvvon geavahit biilla, cealká sámediggeáirras Klemet Erland Hætta (NSR). Dálkkádatperspektiivvas livčče dehálaš geahpedit biilageavaheami, muhto eat mii sáhte bágget olbmuid bissut dušše ovtta sajis ge. Go mis eai leat busset, togat, fatnasat dahje girdit – na de ii leat eará go biilii čohkkedit, joatká Hætta.
-Mis eai leat eará vejolašvuođat
NSR sámediggejoavku bivdá Sámedikki loktet ášši gulahaladettiin Ráđđehusain. Maiddái olbmuin geat ásset sámi guovlluin ferte leat duohta vejolašvuohta válljet fievrridanvejolašvuođaid mat leat buoret birrasii. Dat ii leat mis otne.
- Riikka dálkkádatdigaštallamis biddju ollu deaddu dasa ahte olbmot fertejit geahpedit biilavuodjima. Earret eará evttoha Ráđđehus lasihit boaldámušdivvagiid. Mun háliidan muittuhit sidjiide ahte mii eat geat ássat giliin eai leat dál eará fievrridanvejolašvuođat, cealká Hætta.
Denne artikkelen på norsk
Kommenter denne artikkelen
Tips en venn Gå tilbake