Dát evttohuvvo dan oktavuođas go dál leat hábmemin ođđa mánáidgárdelága. Ráđđehus lea ge dan oktavuođas cealkán ahte buot mánáin galgá leat riekti oažžut mánáidgárdesaji.
Ollu mánáin ii leat sadji
- Ollu sámi mánáin ii leat odne sadji sámi mánáidgárddiin. Dát lea šállošahtti, go mii diehttit man dehálaš dat lea sihke giella- ja identitehtaovdáneapmái. Mun jahkán dilli buorránivčče jus dán vuoigatvuođa lei lága bokte nannet, cealká sámediggeáirras Klemet Erland Hætta (NSR).
Almmolaš ovddasvástádus
Loahpa loahpas lea almmolaš ovddasvástádus sihkkarastit ahte buot mánáin lea mánáidgárdesadji – sis lea maid ovddasvástádus sámi mánáid ektui. Lihkká leat máŋgga suohkaniin báikkálaš sámiid searvvit ferten váldit ovddasvástádusa ásahit ja jođihit sámi mánáidgárddiid. Ollu sajiin leat mealgat eanet ohccit go sajit, muhto suohkanat dattetge eai dáhto lasihit sajiid.
- NSR oaivvilda ahte buot sámi mánáide galgá fállojuvvot sámi mánáidgárdesadji, beroškeahttá gos riikkas sii ásset. Lohpádusat ahte buot mánáin galgá leat mánáidgárdesadji ferte maid gustot sámi mánáidgárddiide, deattuha Hætta.
Denne artikkelen på norsk
Kommenter denne artikkelen
Tips en venn Gå tilbake