Kirsti Guvsáma gažaldat sámediggeráđđái čuodjá ná:
Dáčča ja stáhtaoamastuvvun fitnodagaid doaimmat eamiálbmotguovlluin
Norga oasálastá luondduriggodagaid geavaheamis eamiálbmotguovlluin miehtá máilmmi, sihke Stáhta penšuvdnafoanda Olgoriika čađa, ja fitnodagaid čađa man stáhta oamasta osiid dahje ollásit. Ovdamearkka dihte lea Stáhta penšuvdnafoanda Olgoriika investeren Aracruz Celluloses, ja fitnodat SN Power (man Statkraft ja Norfund oamasteaba) ges vuoruha Cáhcefápmohuksemiid Chiles. Sihke Aracruz Cellulose ja SN Power leat moitojuvvon go leat eambbo mannan eamiálbmotguovlluide beroškeahttá gulahallat singuin.
Sámedikkis lea ovdal leamašan dat oaidnu ahte mii galgat gáibidit seamma dási dáčča fitnodagaid servodatovddasvástádusas olgoriikkas, go dan maid mii gáibidat Norggas. Gávdnojit maid ehtalaš njuolggadusat Stáhta penšuvdnafoanddas.
Sámediggepresideanta Egil Olli čoahkkinasttii Finánsaministar Kristin Halvorsenin. Loktii go Sámediggepresideanta dán ášši ministariin? Mii lea Sámediggeráđi oaidnu áššis?
Olgoriikadepartemeanta bivddii gieskat evttohusaid Stuorradiggedieđáhussii servodatovddasvástádusa, riikkaidgaskasaš barggu ja eallju birra. Lea go Sámediggeráđđi buktán evttohusaid dán dieđáhussii?
Kirsti Guvsám, NSR Sámediggejoavku
Kommenter denne artikkelen
Tips en venn Gå tilbake