Dá lea Guvsáma gažaldat:
Sámedikki gulahallan Máhttodepartemeanttain
Mii lohkat NRK Sámi Radio neahttasiidduin 29.04.2008 ahte Sámedikki Ráđđelahttu, Jørn Are Gaski, gohčoda Máhttodepartemeantta čuorbin.
Doarju go sámediggepresideanta dán namahusa Máhttodepartemeantta ektui?
Strategalaš oahpponeavvuplána čuovvoleami oktavuođas dárbbaša Sámediggi buori gulahallama Máhttodepartemeanttain. Beroškeahttá doarju go sámediggepresideanta Gaski oaiviliid departemeantta birra, lea go sámediggepresideanta veardidan ahte sáhttet go dákkár cealkámušat váikkuhit gulahallamii Máhttodepartemeanttain?
Kommenter denne artikkelen
Tips en venn Gå tilbake