Sártnistis dearvvašvuođaguovddáža olggobealde Guovdageainnus muitalii Aili ahte go lei unni, de lei sus vel unnit unnaoappáš, ja son lávii gohčodit miessemánu 17. B. Hurra-beaivin ja Leavga-beaivin. - Sus lei sihke boastut ja riekta oktanaga. Miessemánu 17. beaivi lea Norgga našunálabeaivi, ja dan ávvudit min dan dihte go Vuođđoláhka mearriduvvui Riikkabeivviin Eidsvollas dien beaivve 1814:s, dajai Keskitalo, ja lasihii vel:
- Miessemánu 17.b lea leavgabeaivi, muhto ii leat leavgga beaivi. Lea Vuođđolága, ii ge Norgga leavgga maid mii ávvudit odne. Ja Vuođđolága gal sáhttit ávvudit sihke Norgga ja sámi leavggain jus dan háliidit, go lea seammá deaŧalaš midjiide buohkaide.
Norgga ja sámi leavggat báldalagaid
Maŋemuš jagit lea juohke giđa leamaš garra digaštallamat das galgá go leat lohpi atnit eará go Norgga leavggaid miessemánu 17. b. ráidduin. NSR parlamentáralaš jođiheaddji lohká iežás leat hui ilus go orru stuorát ja stuorát rabasvuođa ja dohkkeheami sámi leavgga geavaheami oktavuođas. - Illudan go oainnán dáppe Guovdageainnus norgga ja sámi leavggaid báldalagaid vuođđolága beaivvi alde, mojohallá Aili.
Rábmui Guovdageainnu ovdáneami
Iežas sártnis Aili maid humai sihke cealkinfriddjavuođa birra, minoritehtaid sajádat demokratiijas ja vel dan positiiva ovdáneami birra mii dál dáhpáhuvvá su ruovttugilis, Guovdageainnus.
Kommenter denne artikkelen
Tips en venn Gå tilbake