Raporttas ráđđehus sivahallo ájihit dehálaš vuoigatvuođabargguid. Earret eará ii leat Finnmárkkuduopmostuollu vel ásahuvvon. Lávdegoddi maid moaitá bargovugiid konsultašuvdnašiehtadusas mii lea ráđđehusa ja Sámedikki gaskkas áššiin gos sámiin leat beroštumit. Sámediggi jámma vásiha ahte stáda bealis eai leat duohta konsultašuvnnat, go mearrádusat duohtavuođas jo leat dahkkon siskkáldasat ráđđehusas.
Lea go Bargiidbellodat jorggihan?
- Bargiidbellodaga sámediggejoavku leamašan ovdal erenoamáš várrogasat doarjut NSR go mii leat cuiggodan čielga álbmotrievtti rihkkuma, cealká NSR parlamentáralaš jođiheaddji Aili Keskitalo. – Lea buorre go sii dál rapporterejit dáid rihkkumiid ILO:i vaikke vel leat ge bellodatustibat geat čohkkájit ráđđehusas.
Moitet garrasit
Iežaset evttohusas raporttas mii galgá sáddejuvvot ILO:i, Bargiidbellodatstivrejuvvon Sámediggeráđđi moaitá garrasit norgga ráđđehusa go rihkkot álbmotrievtti. Dát moaitámuš nannejuvvo vel lávdegotti árvalusas.
Sámediggi lea 1994 rájes buktán sierra rápportaid ILO:i dan oktavuođas go ILO bearráigeahččá mo stádat čuovvolit ILO-konvenšuvnna nr. 169. Sámediggi gieđahallá ášši dievasčoahkkimis 22. vahkos.
Kommenter denne artikkelen
Tips en venn Gå tilbake