- Mii leat bovden buot báikkálaš servviid, sámediggejoavkku, válgalávdegotti ja prográmmalávdegotti oktasaš luohttámušolbmuid konferánsii Romssas miessemánu 24. - 25. beivviid. Hui ollu báikkálaš searvvit leat dieđihan konferánsii áigemeari siste ja dat lea illudahtti, muitala Sámedikki opposišuvdnajođiheaddji Aili Keskitalo (NSR).
Ráhkkaneamen eanetlohkui
- Dát lea vejolašvuohta deaivvadit ja ovttas ságastallat movt mii galgat iežamet válgabarggu heivehit ođđa válgaortnegii, muitala NSR jođiheaddji Silje Karine Muotka ja lea erenoamáš duhtavaš go professor Per Selle boahtá konferánsii muitalit válgaortnega birra.
- Ovddeš sámediggepresideanta Sven-Roald Nystø maid ságastallá konferánssas. – Mun illudan konferánsii ja sávan dat movttidahttá min bargat sámediggeválggain 2009 vai NSR oažžu eanetlogu boahtte válggas, cealká Muotka.
Čoaggimin 200 vuolláigállaga
Riikkastivra lea mearridan ahte NSR galgá čohkket vuolláičállagiid ja čálihit NSRa Sámedikki sámepolitihkalaš ovttadahkan ovdal guovvamánu 2009. – Dáinna lágiin šaddá listobargu álkit. Ođđa válgaortnega olis galget eambbosat čállit vuollái ovtta listtu, ja danne lea riikkastivrra mielas dehálaš čohkket doarvái vuolláičállagiid nu jođánit go vejolaš. Báikkálaš searvvit fertejit searvat čohkkenbargui, ja dat 200 geat čállet vuollái galget leat sámi jienastuslogus.
Čállingottis boahtá diehtu
Mii leat sáddemin dieđu dán birra, muhto go dál deaivvadit Romssas miessemánus, de mii juo čohkkegoahtit vuolláičállagiid, muitala čállingotti jođiheaddji Thomas E. Myrnes Nygård.
Denne artikkelen på norsk
Kommenter denne artikkelen
Tips en venn Gå tilbake