NSR 39. riikkačoahkkimis Bådåddjos bođii ovdan ahte riikkastivra berre geahčadit movt riikkačoahkkingoluid sáhttá unnidit ja čállingotti nannet. Bealli NSR doaibmaruđas geavahuvvo máksit riikkačoahkkima. Diimmá riikkačoahkkin mávssi sullii 600 000.
- Mii fertet vuoruhit ruđaid dan láhkái ahte báhcá ruhta bálkáhit čálli ja doalahit čállingotti rabas. NSR luohttámušolbmot eai sáhte nuvttá bargat daid bargguid maid čállingoddi galggašii bargat, cealká organisatuvrralaš nubbejođiheaddji Einejord.
Miellahttorapporterema čavget
Sámediggi ja departemeanta ja earát gáibidit raporterema NSRs ja NSR dárbbaša diehtit galle nuoraidmiellahtu organisašuvnnas leat vai sáhttá ohcat ruđaid Mánáid- ja dásseárvodepartemeanttas.
- Mii fertet čavget dien miellahttorapporterema, muitala Einejord. Jos sámesearvi ii beasa sáddet delegáhtaid riikkačoahkkimii, de soaitá soames searvi doapmalit sáddestit dárbbašlaš guittiid áigemeari siste.
Ođđa válgaortnet váikkuha
Njuolggadusain čilgejuvvo válgastivrraid birra ja eará ja dat leat heivehuvvon ođđa válgaortnegii.
Denne artikelen på norsk
Riikkačoahkkinbáhpirat
Kommenter denne artikkelen