- NSR sámediggejoavku háliida erenoamážit nannet sámi kultuvrra, sámi oahpponeavvuid ruhtadeapmi ja doaimmat nissoniidda ja nuoraide ealáhuseallimii, cealká sámediggeáirras Kirsti Guvsám (NSR).
- Sámi kultuvra oažžu 750.000,- ruvnnu lasiheami.
- Nuortanástte doarjja lasihuvvo 100.000,- ruvnnuin.
- 250.000,- ruvnnu meahcceealáhusa gelbbolašvuođaguovddáža ovdaprošektii.
- 2,5 milliuvnna lasáhusa sámi oahpponeavvuide.
- Billávuotna Duojáriid Dállu oažžu 100.000,- ruvnnu.
- Doarjja máŋggabealat ealáhuseallimii lasihuvvo 800.000,- ruvnnuin. Dan vuollái bohtet earret eará doaimmat nissoniidda ja nuoraide, ja vásihusmátkebuktagat main sámi kultuvrra lea vuođđun.
- Sámi dáiddamusea oažžu 350.000,- ruvnnu ovdaprošektii.
- Prošeakta Joddu, johkasámi gelbbolašvuođaguovddáš Deanus, oažžu 150.000,- ruvnnu. Vuordit ahte ruhtadeami geahččalit čoavdit ovttasbargošiehtadusa vuođul gaskal Sámedikki ja Finnmárkku fylkkagieldda.