RSS-feed

Velg språk!

Utskriftsvennlig versjon Sámegiela bearráigeahččanásahus
Trond Are Anti oaivvilda dál leat áigi ásahit sámegiela bearráigeahččanorgána.
Norgga Sámiid Riikkasearvvi riikkastivra ávžžuha eiseválddiid guorahallat sáhtášii go ásahit sámegiela bearráigeahččanásahusa, muitala politihkalaš nubbejođiheaddji Trond Are Anti ja muittuha ahte Norggas leat ollu bearráigeahččanásahusat mat sihke cuiggodit ja nannejit.

Almmuhuvvon: 02.05.2008

NSR riikkastivra evttoha reivvestis ahte čielggaduvvošii livččii go vejolaš ásahit bearráigeahččanorgána mii galgá bearráigeahččat movt almmolaš ásahusat, skuvllat ja eará doaimmat geavahit sámegiela go bálvalit olbmuid. Bearráigeahččanorgána galggašii maid bargat nannendoaimmaid, fágalaččat duvdilit sámegiela ovddasguvlui ja leat friddja ja sorjjakeahttá nuppiin.

Golleruhta gollegillii

- Giellaruđat leamaš stuorra ávkin ja moktan suohkaniidda, muhto dál galggašii Sámediggi buorebut čuovvut mielde masa ruhta geavahuvvo, cealká NSR politihkalaš nubbejođiheaddji Trond Are Anti.

NSR Riikkastivra duođaid háliidivččii ahte Sámediggi rievdadivččii daid  juolludannjuolggadusat maid olis juolluda guovttegielatvuođaruđaid giellahálddašanguovllu suohkaniidda ja daidda fylkkasuohkaniidda maiguin Sámediggi soahpan ovttasbargat.

Suohkanat ja fylkkasuohkanat geat ožžot ruđa galggašedje sáddet reviderejuvvon rehketdoalu ja raportta mas čilgejit masa ruhta lea geavahuvvon. NSR riikkastivra oaivvilda maid ahte ruđaid galggašii álgoálggos juo juolludit duššefal dohkkehuvvon doaibmaplánaid mielde. Sámediggi galgá čilget masa galgá ja sáhttá geavahit guovttegielavuođaruđaid.

Čaffa ja čiegus?

NSR maid bivdá ahte Sámediggi vuoruha čuovvulit raportta “Sámegiella lea čaffa” ja lokte dán barggu sierranas áŋgiruššanprográmmii vai sámi servodat sáhttá searvat plána bargui ja beassá gullat daid doaimmaid birra mat leat plánas - ja sáhttá searvat bargui. Erenoamážit galggašii geahččat daid buriid doaimmaid mat leat evttohuvvon nuoraide.

Gulahallanolmmoš

Trond Are Anti, mobil 400 45 518

Denne artikkelen på norsk





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S