Gudnemiellahttu Ruth Rye Josefsen (83 jagi) leai áŋgiris oasseváldi jahkečoahkkimis. Tore Bongo, nubbe veterána ja gudnemiellahttu válljejuvvui ges stivralahttun.
- Giellabargu lea ain hui dehálaš, cealká aitto válljejuvvon ođđa jođiheaddji Biret Inger Hætta. Jahkečoahkkin lei buorre ja čoahkkin mearridii guokte cealkámuša.
Nannet sámegielfálaldaga nuoraide
Jahkečoahkkin celkkii movt sin mielas berre buoridit sámegieloahpahusa Álttá suohkanis ja ávžžuhii Álttá suohkana nannet sámegieloahpahusa vel eambbo. Sámiid searvi áigu váldit oktavuođa suohkana mánáid- ja nuoraidlávdegottiin ja gulaskuddat movt sáhttá nannet vuođđoskuvlla sámegieloahpahusa Álttás.
Sámiid searvi maid ávžžuhii Sámi giellaguovddáža Álttás guorahallat iešguđet doaimmaid maid bokte sáhttá nannet sámi mánáid giellabirrasa
- Sáhttá go ásahit oahpahusa sámegillii
- Sáhttá go mearridit ahte okta skuvla Álttás galgá oažžut sierra ovddasvástádus fuolahit sámegieloahpahusa
- Sáhttá go ásahit sámi váhnenfierpmádaga masa servet buot váhnemat geain leat mánát geat ožžot sámegieloahpahusa Álttás
Luonddugeavaheapmi ja ipmárdus
Nubbi jahkečoahkkincealkámuš lea luonddugeavaheami ja luondduipmárdusa birra. Jahkečoahkkin ávžžuha oččodišgoahtit kulturskuvlafálaldaga Áltái mas mánát sáhttet oahppat sámi luonddugeavaheami, luondduipmárdusa ja dološ árbevirolaš máhtu.
Álttá sámiid searvi lea okta NSR stuorámus servviin. Searvvis leat badjelaš 100 miellahtu.
Gulahallanolmmoš:
Biret Inger Hætta, mobil 478 10 447
Denne artikkelen på norsk
Kommenter denne artikkelen
Tips en venn Gå tilbake