Sámi dearvvašvuođadoaimmahat sáhtašii earret eará doaibmat dego gelbbolašvuođadoaimmahagain, mii sáhttá rávvet ja bagadit eará doaimmahagaid ja suohkaniid sámi dearvvašvuođabálvalusaid ektui. NSR áigu ovddidit dán ođđa áššin Sámedikkis.
Čatnon eaŋkilolbmuide
- Odne lea sámi dearvvašlágádus hui čatnon eaŋkilolbmuide. Nu ii sáhte leat. Danin evttoha dál NSR ahte ferte guorahallat vejolašvuođa ásahit sierra sámi dearvvašvuođadoaimmahaga. Dát boađášii sihke sámi pasieanttaide ja fágaolbmuide buorrin, cealká NSR parlamentáralaš jođiheaddji Aili Keskitalo (NSR) preassadieđáhusas.
Sápmelaččat olggobealde Finnmárkku maiddái
Mii leat oaidnán man váttis lea sámi giella- ja kulturmáhttui dohkkehuvvot dáža dearvvašvuođavuogádaga siskkobealde.
– Vuogádat lea nu stuoris ahte sámivuohta dávjá jávká. Dasa lassin livčče sierra sámi dearvvašvuođadoaimmahat váikkuhit dasa ahte sámivuohta ii dušše ráddjejuvvošii Finnmárkui. Sámit han ásset miehtá riikka, ja galget ožžot áddejumi giella- ja kulturduogáža ektui vaikke gos sii leat, deattuha Keskitalo.
Kommenter denne artikkelen
Tips en venn Gå tilbake