– Mii leat politihkalaš searvi ja mii bargat vuos ja ovddimus politihkalaš bargguid, muitala jođiheaddji Bjørn Inge Nylund. Mii leat maid mielde eará servviiguin mat barget dujiin ja lágidit sámi kulturdoaluid dáppe Rahkas, muitala Nylund.
NSR searvi 2005 rájes
Rahkka ja biras sámiid searvi / Bjerkvik og omegn sameforening – NSR ásahuvvui jagis 2005 ja ozai dalán beassat miellahttun Norgga Sámiid Riikkasearvái (NSR). Jos searvi galgá beassat miellahttun NSRii, de ferte ohcat miellahtovuođa, sáddet jahkedieđáhusa ja duođaštusa das man galle miellahtut leat, ja ja máksit 50,- ruvnnu NSRii juohke miellahtu namas. NSR riikkačoahkkin mearrida dohkkeha go ođđa báikkálaš servviid.
Čoaggit miellahttuid ja rahkkanit válggaide
- Min stuorimus bargu dál livččii háhkat eambbo miellahtuid. Dáppe min guovllus leat vaikko man ollu sámi searvvit, eage olbmot dette astta leat miellahttun min searvvis, vaikko máŋggas jienastit gal NSR sámediggeválggain, čilge Bjørn Inge Nylund gii joatká Rahka ja biras sámiid searvvi jođiheaddjin, ja loahpaha ahte jagis 2008 searvi áigu čoaggit miellahtuid ja rahkkanit válggaide.
Gulahallandieđut:
Bjørn Inge Nylund, mobil 416 36 099
Kommenter denne artikkelen
Tips en venn Gå tilbake