NSR, SFF, SLF ja SÁB gáibidit ahte Justis- ja politiijadepartemeanta ja Sámediggi dollet rabas diehtojuohkinčoahkkimiid ođđa sámi vuoigatvuođa birra NÁČ 2007:13 ja ođđa hálddašanmodeallaid birra mat leat evttohuvvon eatnamiidda ja čáziide Romssas, Nordlánddas ja dain guovlluin gos lullisámit ásset.

Diehtomátkkit livčče buorit

- Min mielas sáhtášii ovdamearkka dihte lágidit seammalágan diehtojuohkinčoahkkimiid og Bargo- ja searvadahttindepartemeanta lágidii dalle og Carsten Smith ja su olbmot mátkkoštedje ja muitaledje Sámekonvenšuvnna barggu birra, čuožžu oktasaš reivves.

Departemeanta dáhtui norggabealde sámi giella- ja kulturguovddážiid čohkket olbmuid go Smith ja su olbmot bohte, ja dat doaimmai bures. Ferte maid muitit daid guovlluin main ii leat giella- ja kulturguovddáš.

Stuorra diehtodárbu

- Mii maid ávžžuhit bovdet eará berošteddjiid gu duššefal sámi berošteddjiid, sihke ságastallin ja guldaleaddjin.

Olbmuin lea dárbu ságastallat ja oažžut dieđuid. Sámi váldoorganisašuvnnat áigot ávžžuhit iežaset báikkálaš servviid aktiivvalaččat searvat dán prosessii ja diehtojuohkinčoahkkimiidda.

Gulahallanolmmoš:

NSR-jođiheaddji Silje K. Muotka, 984 87 576