- Ollugat otná nuorra sámi váhnemiin ii leamašan alddis vejolašvuohta oahppat giela, muhto háliidit goitge ahte mánát galget šaddat sámegiellagat. Lea servodaga ovddasvástádus láhččit dili nu ahte maiddái dat váhnemat geat háliidit besset oahppat sámegiela. Dainna lágiin sii sáhttet čuovvolahttit mánáid giellaoahppama, ja dainna vuitet buohkat, cealká Norgga Sámiid Riikkasearvvi (NSR) sámediggeáirras, Tone Finnesen preassadieđáhusas.
Geavahit Sámeálbmot foandda
Sámediggi galgá jagi mielde juohkkit Sámeálbmot foandda reanttuid. NSRa sámediggejoavku oaivvilda ahte reanttut galget geavahuvvot doaimmaide mat bisuhit, nannejit ja beavttálmahttit sámegiela. – Mii háliidit vuoruhit doaimmaid main dakkaviđe sáhttá boahtit ávki ja lasihit sámegiela giellageavaheddjiid logu, čilge Finnesen.
Stuorámus hástalus sámi servodagas
Sámegiela beavttálmahttin ja nannen lea dálá sámi servodaga stuorámus hástalus. Dáruiduhttin lea bistán guhká ja buolvvat ja guovllut leat massán sámegiela ja dárbbašit giela beavttálmahttit.
Kommenter denne artikkelen
Tips en venn Gå tilbake