- Mii oaivvildat leat dárbu ollislaččat geahčadit Álttá suohkana sámegieloahpahusa. Ii leat mihkkege ođđa váttisvuođaid ahte váilut oahpaheaddjit ja sadjásaččat. Mánát dat gillájit go politihkkárat eai váldde ovddasvástádusa čorget dili, cealká NSR sámediggeáirras, Rita-Alise Porsanger, gii ieš ássá Álttás.
Geir Ove Bakken ferte váldit ovddasvástádusa
Porsanger dál ávžžuha sátnejođiheaddji Geir Ove Bakkena ja muđuid suohkanstivrra Álttás váldit ovddasvástádusa buoridit suohkana sámegieloahpahusfálaldaga. – Nu mo dilli lea odne, de mii fertet geahčadit iešguđet lágan molssaeavttuid ja čovdosiid, nu mo ovdamearkka dihte hospiterenortnegat. Dál lea maid dehálaš duođas ja áŋgirit bargagoahtit oččodit sámegieloahpaheddjiid ja bistevaš sadjásaččaid, deattuha Porsanger.
Heajos dássi oahpahusas
- Lea illudahtti go mánát geat dáhttot sámegieloahpahusa Álttás leat lassánan, muhto heajos dássi oahpahusas sáhttá goddit movtta ja dagahit ahte lohkku fas njiedjá jođánit. Dan in jáhke gean ge háliidit, cealká sámediggeáirras Rita-Alise Porsanger preassadieđáhusas.
Kommenter denne artikkelen
Tips en venn Gå tilbake