Nordkild jearrá guđe gillii dahje suopmanii iešguđet válgabiirre namma galgá leat. – Erenoamážit šaddá dát váttisin viđát válgabiirres mii fátmasta Divrráin davvin Sáltoduoddarii máddin. Dán válgabiirres leat ge máŋga sámi suopmana, čujuha Nordkild.
Nordkild imaštallá ahte lea go Sámediggeráđđi obanassiige dárkkistan nammaevttohusaid kvalitehta, ja ahte leat go sii ráđđádallan sámegielat ja sámehistorjjá fágaolbmuiguin ovdal go evttohedje válgabiirenamaid?
Ášši duogáš lea go Sámediggi lea ovddidan láhkaevttohusa ođđa válgaortnegii mii lea sáddejuvvon Bargo- ja searvadahttindepartementii. Ođđa válgaortnegis evttohuvvo earret eará ahte válgabiirriid lohku unniduvvo nu ahte 13 válgabiirre sadjái bohtet 7. Ođđa válgabiirriin galget maid ođđa namat. Plána mielde gieđahallá Sámediggi ášši 03/08 – Gažaldagat Sámediggeráđđái maŋŋebárgga 26.02.08.
Kommenter denne artikkelen
Tips en venn Gå tilbake