- Loabága mearrádus čájeha ahte sii smihttet boahtteáiggi birra, ja mearrádusas lea hirbmat stuorra mearkkašupmi sámegiela ovdánahttinvejolašvuođaide Loabágis. Mun lean nu ilus go Loabága ođđa sátnejođiheaddji, Viktor Andberg, nagodii fitnet measta ovttajienalaš suohkanstivrra dán áššis. Son duođaid ánssáša gutni, cealká Thomassen preassadieđáhusas.
Sámegiela almmolaš oktavuođain
Mearrádus mielddisbuktá ahte Loabága politihkkárat háliidit ahte Loabát suohkanis galgá leat ovddasvástádus hálddašit sámegiela ja sámi kultuvrra buorrin sámi álbmogii suohkanis. Mearrádus maid mielddisbuktá ahte Loabágis dál galgá sáhttit geavahit sámegiela maiddái almmolaš oktavuođain, ii ge dušše ruovttus gievkkanbeavddi birra.
Hástala Skánit ja Evenášši sátnejođiheddjiid
- Loabága positiivvalaš mearrádus lea maid hástalussan Skánit ja Evenášši suohkaniidda čuovvolit. Skániha sátnejođiheaddji Svein Berg, ja Evenášši sátnejođiheaddji Jardar Jenssen, berreba dál roggat ášši fas iežaska skuffain ja loktet ášši politihkalaš meannudeapmái, hástala Ann-Mari Thomassen.
Kommenter denne artikkelen
Tips en venn Gå tilbake