- Mii vuordit ahte dát almmolaš ándagassii bivdin seammás mielddisbuktá ođđa ja buoret álgoálbmotpolitihka Australias. Lea dehálaš ahte Australia ráđđehus dál čuovvola konkrehta doaimmaiguin. Earret eará vuorddán ahte Australia farggamusat álggahivčče proseassa dohkkehit ILO konvenšuvnna 169, cealká NSR sámediggeáirras Gunn-Britt Retter. Retter muittuha ahte riikkaidgaskasaš dásis lea Australia guhkkit áigge leamašan vearrámusaid searvvis mii guoská álgoálbmotpolitihkkii.
Maiddái Norggas lea Gonagas Harald V ovdalaččas bivdán sápmelaččain ándagassii das mo stáhta lea meannudan sápmelaččaid áiggiid čađa. Dat dáhpáhuvai Sámedikki rahpama oktavuođas 1997:as.
Kommenter denne artikkelen
Tips en venn Gå tilbake