| | Jođiheaddji Egil Utsi sávvá ohte ollusat sáhttet boahtit jahkečoahkkimii duorastaga. |
Kárášjoga Sámiid Searvi gohčču jahkečoahkkimii duorastaga 14.02.08 dii. 18.00 DSF:s. Áššit leat earret eará sámi oahppogirjjit ja sámegieloahpahus. Lassin šaddá sáhka ođđa válgaortnega birra sámediggeválggas.
Almmuhuvvon: 11.02.2008
Kárášjoga Sámiid Searvi guossoha buot miellahtuide biđđosa ovdal čoahkkima. Čoahkkimis gullo maid luohtti. Jođiheaddji Egil Utsi muitala ahte nuorra juoigiguovttos Saia ja Máret Hildur Stueng rohttesteaba moadde luođi. Maiddái Aslak Krokmo rohtte lullisámiid luđiid ja dáidet earát maid oassálastet.
Jahkečoahkkima áššelistu:
- Dohkkehit gohččuma
- Dohkkehit áššelisttu
- Válljet čoahkkinjođiheaddji, čálli ja 2 dárkkisteaddji
- Jahkedieđáhus 2007
- Rehketdoallu 2007
- Stivrii dieđihuvvon áššit
- Saia Stueng: Sámi oahppogirjjit ja sámegieloahpahus
- Sámediggeáirras Synnøve Solbakken-Härkönen: Politihkalaš rehketdoallu 2005-2007 – erenoamážit deattuhuvvon dat mii guoská Kárášjohkii
- Egil Utsi: ođđa válgaortnet 2009 – ođđa hástalusat
- Jahkečoahkkincealkámušat
- Válggat:
- nuoraidlávdegoddi
- stivra
- revisor
- válgalávdegoddi
- áirasiid NSRa riikkačoahkkimii (4)
Luohttámušolbmot vássán jagis leamašan:
Stivra: Egil Utsi (ovdaolmmoš), Biret Risten Sara (sadjásaš ovdaolmmoš), Ánte Jávo (rehketdoalli), Synnøve Solbakken-Härkönen ja Ragnhild Nystad.
Sadjásaččat: 1. Mathis Nilsen Eira, 2. Arne Nystad, 3. Hans Nergård, 4. Piera Mosebakken
Válgalávdegoddi: Hans Guttorm ja Hans Nergård
Revisor: Ingvald Laiti
Olu doaimmat
Searvvi jahkedieđáhusas muitaluvvo ahte sii leat áŋgiruššan oažžut johtui makkár nu doaluid ja márkaniid Kárášjogas dan áigge go nu gohčoduvvon ”Finnmarksløpet” čađahuvvo njukčamánus. Ii meinnestuvvan dán vuorus, muhto sii doivot ahte dákkár márkanat šaddet boahtteáiggis.
Jahkedieđáhusas maid boahtá ovdan ahte searvi lea lágidan nuoraid juoigangilvvu, sámefeastta ja vel suomagielkurssa ge. Muđuid muittuha searvvi jođiheaddji, Egil Utsi, ahte eambbo dieđut gávdnojit ruovttusiidduin http://www.nsr.no/karasjok. Dasa lassin berrejit buot miellahtut dieđihit iežaset e-poastačujuhusa, go dan bokte ge bohtet ollu dieđut.
Kommenter denne artikkelen
Tips en venn Gå tilbake
|