Sámi álbmotbeaivi lea oktasaš sámiide, beroškeahttá orrot go sii Norggas, Ruoŧas, Suomas vai Ruoššas. Álbmotbeaivi ávvuduvvui vuosttaš háve 1993:s go ON internašuvnnalaš eamiálbmotjahki almmolaččat rahppojuvvui Kárášjogas. Beaivi ávvuduvvo iešguđet ládje sámi báikkiin.
15. sámekonfereansa mii dollojuvvui Helssegis geassemánus 1992 mearridii ahte sámi álbmotbeaivi lea guovvamánu 6. beaivi. Dás sáhtát lohkat eanet NSR birra Sámeráđis.
Elsa Laula - ođđa levgenbeaivi?
Duogáš dáhtonii lea ahte sámiid vuosttaš riikkačoahkkin dollojuvvui guovvamánu 6. b. 1917:s Troanddimis. Dalle lei vuosttaš háve historjjás go davve- ja lullisámit ieš guđet riikkas deaivvadedje divaštallat ja fuomášahttit oktasaš áššiid ja váttisvuođaid. Elsa Laula Renberg vuolggahii čoahkkinjurdaga ja duohtan dagai riikkačoahkkima masa bohte badjel čuođi sápmelačča ja eatnašat sin gaskkas ledje nissonat.
NSR lea ovdal cealkán ahte sávvet Renberga riegádanbeaivi šattašii almmolaš levgenbeaivi. NSR áigu guovvamánu dievasčoahkkimis ovddidit dán ášši evttohussan.
Kommenter denne artikkelen
Tips en venn Gå tilbake