- Sámi mediaid ovdánahttimis lea sihke demokráhtalaš ja giellapolitihkalaš bealit. Danin lea NSR guhkká bargan dan ala ahte ásahit sámegielat beaiveáviissa. Mii leat hui duđavaččat go dat dál viimmat duohtandahkko, cealká NSR doaibmi parlamentáralaš jođiheaddji, Randi A. Skum.
Maiddái julev- ja máttasámegiella
NSR vuordá ahte áviisa šattašii dehálaš oassin almmolaš sámi digaštallamis ja ahte dat speadjalasttášii olles sámi ássanguovllu. Áiggi mielde livčče maid vuordámuš ahte čahkkejuvvošii sadji julev- ja máttasámegillii.
Dárbbašit buori rámmaeavttuid
NSRii lea dehálaš sihkarastit dárbbašlaš rámmaeavttuid ođđa áviisii, nu ahte lea vejolaš ráhkadit buorre áviisa sihke giela ja sisdoalu dáfus. Danin lea hui váidalahtti go stádalaš preassadoarjjaortnet sámi áviissaide ii leat vel čielgan.
Departemeanta ferte váldit ovddasvástádusa
- Duohtavuođas han lea divraset ráhkadit sámegielat áviissa go dárogielat áviissa. Dat ferte maiddái vuhttot stádalaš doarjagiin. Dál ferte departemeanta duohtandahkat áigumušaidis ja čájehit ahte sii duođaid oaivvildit juoga cealkámušaiguin ahte nannet sámegiela, deattuha Skum.
Kommenter denne artikkelen
Tips en venn Gå tilbake