NSR oaivvilda ahte sámi mánát, nuorat ja rávisolbmot geain leat erenoamáš dárbbut, galget oažžut sihkkarastojuvvon ja heivehuvvon oahpahusfálaldaga ja erenoamášpedagogalaš veahki. Dát galgá leat vuođđuduvvon sámi árvvuide. NSR dáhttu ahte sámi erenoamášpedagogalaš doarjjavuogádat galgá nannejuvvot.
Gelbbolašvuođaprošeakta maid Sámediggi lea čađahan, lágiduvvui dego deavdda- ja joatkkaoahppofálaldat spesiálapedagogihkas. Ulbmiljoavku ledje jođiheaddjit ja bargit mánáidgárddiin ja vuođđoskuvllain gos leat sámi oahppit. Giellaovdánahttin, giellaváttut, lohkan- ja čállinváttut ja guovttegielalašvuohta ledje prošeavttas guovddážis. Mielde prošeavttas ledje mánáidgárddit ja skuvllat julev- ja máttasámeguovlluin, muhto maiddái Mátta-Romssas ja Davvi Nordlánddas.
Dehálaš oassin digaštallamis
Evaluerenraporta mii dal lea gárvánan boahtá leat dehálaš oassin go mii galgat digaštallat makkár gelbbolašvuohta dárbbašuvvo fállat sámi mánáide ja nuoraide heivehuvvon oahpahusa.
Deavddaoahppafálaldahkii dárbu
Spesiálapedagogalaš gelbbolašvuođalokten lea fágasuorgi gos dárbbašuvvo gelbbolašvuohta máŋga iešguđetlágan fágasurggiin. Lea stuorra dárbu ásahit erenoam áš heivehuvvon spesiálapedagogalaš deavddaoahppafálaldagaid jođiheddjiide ja bargiide pedagogalaš suorggis. Dáid fálaldagain ferte leat gelbbolašvuohta fágasurggiin nu go máŋggakultuvrralaš pedagogihkka, guovttegielatvuođapedagogihkka, kulturrasttildeaddji gelbbolašvuohta ja kulturanalyhtalaš perspektiivvat. Ferte maid ásahuvvot deavddaoahppafálaldat erenoamášpedagogaide, nu ahte sii sáhttet háhkat gelbbolašvuođa sámi servodaga dilálašvuođain ja maiddái sámegielas.
Olles raportta sáhtát lohkat dás.
Kommenter denne artikkelen
Tips en venn Gå tilbake