Åarjelhsaemien Teatere/Lullisámi teáhter oažžu duppal juolludeami
Go NSR/SÁB evttohus oaččui eanetlogu, de duppalastui Åarjel Saemien teáhtera juolludeapmi 2007 rájes. Teáhter oažžu oktiibuot 1,2 milliuvnna ruvnnu. Åarjel Saemien teáhter lea dehálaš lullisámi kultuvrii ja álbmogii lullisámi guovllus. Dehálaš ahte teáhter ovddalgihtii sáhttá diehtit man ollu ruhta sis lea. Teáhter johtá ja sin ulbmiljoavku leat erenoamážit mánát ja nuorat.

2,4 milliuvnna sámi giellastipeanddaide joatkkaskuvlla ohppiide
NSR/SÁB bokte ožžot joatkkaskuvlla oahppit geat lohket sámegiela eambbo stipeandda. Stipeanddaruhta lasihuvvui 1 milliuvnna ruvnnuin. Mii sávvat dát movttidahtášii eambbo ohppiid válljet sámegiela fágan joatkkaskuvllas ja áiggi mielde attášii eambbo sámegielgeavaheddjiid.

Dearvvašvuođaáŋgiruššan
Go sápmelaččain ja dáččain leat juste seamma dearvvašvuođabálvalusat, de ii dáidde leat ovttadássásaš dearvvašvuođabálvalus. NSR mielas lea hui dehálaš heivehit dearvvašvuođabálvalusaid sámi álbmoga dárbbuide sihke gielalaččat, kultuvrralaččat ja identitehta dáfus. Sámediggi lea min evttohusa mielde juolludan bealle milliuvnna ruvnnu dearvvašvuođaprošeavttaide julev- ja lullisámi guovllus.

Sámeálbmot foanda
Sámeálbmotfoandda bokte lea Sámediggi juolludan vihtta milliuvnna ruvnnu gillii, guokte milliuvnna ruvnnu árbevirolaš máhtolašvuhtii ja golbma milliuvnna ruvnnu girjjálašvuhtii. Dát lea lávki rievttes guvlui, ja lea mielde buhtadeamen daid vahágiid maid dáruiduhttinpolitihkka lea dagahan.

Gulahallanolbmot:
Roger Pedersen, áššejođiheaddji tlf: 97062344
Aili Keskitalo, NSR joavkojođiheaddji tlf: 97129305

Denne artikkelen på norsk