- Mii háliidit ahte sámi geavaheaddjit galget oažžut dan fálaldaga maid sii dárbbašit ja maid sii leat vuoiggadis oažžut, cealká NSR sámediggeáirras Tone Finnesen. - Mun lean sámi dearvvašvuođabargi ja vásihan dávjá ahte geavaheaddjit dihtet mii sin mielas livččii ovttadássásaš govttolaš fálaldat, muhto dan eai oaččo. Mii dárbbašit dokumenteret dán ja dárbbašit oažžut bargoreaidduid maiguin mii sáhttit ákkastallat manne sápmelaččat dárbbašit ovttadássasaš dearvvašvuođa- ja sosiálabálvalua.

Maŋemus jagiis lea media fuomáštan surdadis ollu eaŋkiláššiid mas sámi geavaheaddjit eai leat ožžon dan fálaldaga maid sii leat vuoiggadis oažžut. NSR háliida ahte Sámediggi galgá vuoruhit dán suorggi.

- Sámediggi ferte bargat dearvvašvuođa- ja sosiálagažaldagaiguin, cealká NSR parlamentálalaš jođiheaddji, Aili Keskitalo. – Dearvvašvuođa- ja sosiálasuorgi dikšu sin geat leat rašes dilis eallimis, ja juohke olmmoš šaddá goasnu dearvvašvuođasuorggi bálvalusaid geavahit, sihke ieš ja lagaš olbmuid dihte.

NSR evttoha dál ain vuos ahte Sámediggi bargagoahtá julev- ja máttasápmelaš áššiiguin, danne go eallindilálašvuođa guorahallan (SAMINOR) čájeha ahte Nordlándda sápmelaččat iežaset mielas ožžot buot heajumus dearvvašvuođa- ja sosiálafálaldaga.

Gulahallanolbmot:
NSR Sámediggeáirras, Tone Finnesen, tlf.99 52 86 12
NSR parlamentáralaš jođiheaddji, Aili Keskitalo, tlf 97 12 93 05

Denne artikkelen på norsk