- Foanda lea kollektiivvalaš buhtadus sámi álbmogiid daid gillámušaid ovddas maid sámit leat gillán dáruiduhttima geažil. Dáruiduhttinpolitihkka geahnohuhtii sámegiela ja sámi kulturábbi, ja foandda ruđaiguin galgá muhtun ráje njulget dáid vahágiid, NSR/SáB áššejođiheaddji, Gunn-Britt Retter.

Dáruiduhttinpolitihkka váikkuhii ovttaskas sápmelažžii ja olles sámi álbmogii, ja dagahii measta čilgemeahttun stuorra vahágiid. Iešárvvu billehuvai, vuoiŋŋalaš árvvut manne hohkkái, eatnigiella jávkkai, sámi kultuvrra oasit maid eat goassege oaččo ruovttoluotta jávkkai, ja sámi álbmoga boahttevuođa doaivva heađuštuvvui ja árbevirolaš máhtolašvuođa oahpaheapmi buolvvas bulvii botkejuvvui. Dát ii gula dušše ovddešáigái ja dálá áigái, muhto boahtteáigái. Dáruiduhttinpolitihkka váikkuha maiddái dálá ja boahttevaš buolvvaide.

- Foanda ii sáhte okto buhtadit daid vahágiid maid sámit leat gillán. Lea ain stáhta ovddasvástádus njulget daid boasttuvuođaid mat leat dahkkojuvvon ja daid vahágiid maid sámit leat gillán, cealká NSR parlamentáralaš jođiheaddji Aili Keskitalo. – Mii leat gergosat geavahišgoahtit foandda ruđaid, ja mii oaivvildit ahte foandda ruhta njulge negatiivvalaš barggu. Giella ja kulturárbi lea hui lahka min, ja daid mii galgat vuoruhit.

NSR sámediggejoavku háliida geavahit 20 milliuvnna ruvnnu áigodagas 2008-2009, namalassii 10 milliuvnna ruvnnu bušeahtas 2008. Reantodienas guktii jahkái, ja 10 milliuvnna ruvnnu bušeahtas 2008 ja 10.6 milliuvnna ruvnnu  reantodienas mii lea čoggon dan rájes go foanda ásahuvvui.

NSR sámediggejoavku háliida álggahit čielggadeami mii čilgešii movt berrešii hálddašit báhcán 19,6 milliuvnna ruvnnu. Galggašii čielggadit vejolašvuođa earret eará ásahit sámi filbmafoandda. Nuppit sáhttet ohcat ruđa dákkár foanddas. Foandda reantutietnasa sáhttá geavahit ovdaprošeavttaide. Dán ášši árvvoštallat reviderejuvvon bušeahta oktavuođas 2008.

Gulahallanolbmot:
Gunn-Britt Retter, áššejođiheaddji (NSR/SÁB), tlf. 91359222
Aili Keskitalo, parlamentáralaš jođiheaddji (NSR), tlf. 97129305

Riikkačoahkkincealkámuš 2008 Sámeálbmotfoandda hárrái

Denne artikkelen på norsk