Son duodaid vuorrástuvvá go gullá maid Bargiidbellodaga parlamentáralaš jodiheaddji Willy Ørnebakk cealká organisašuvdnadoarjaga birra. – Bargiidbellodat orru leamen geavaheamen iežas fámu boastut go áigu hávkadit politihkalaš vuostálastiid. Dat orru leamen vuosttaš politihkalaš dahkku maid sii barget Sámedikki posišuvnnas, cealká Muotka kommentáras.

Muotka cujuha dasa ahte servodat muduid dohkkeha ahte ferte juolludit ruda demokratiija jodihit. – Ráddehus almmuhii stáhtabušeahta juste ovdal mannan vahkkoloahpa. Ráddehus evttoha bušeahttaevttohusas lasihit bellodatdoarjaga 6,3 %. Ovdal lei 303 milliuvnna ja dál Ráddehus evttoha addit 323 milliuvnna ruvnnu dácca bellodagaide Norggas, cealká Muotka. Ráddehus cájeha ahte demokráhtalaš kanalat leat dehálaccat ja Norgga eiseválddit háliidit vuoruhit demokráhtalaš kanálaid. – Bargiidbellodat Sámedikkis ii sáhte bargat áibbas nuppeládje go sin iežas Ráddehus dán áššis, cealká Muotka.

Lasihuvvon doarjja váldoorganisašuvnnaide
Sámi váldoorganisašuvnnat NSR, SFF ja SLF leat olles jagi diibmá bargan dainna ahte cuvget man dehálaš organisašuvdnadoarjja lea. Mii leat cilgen ahte organisašuvdnadoarjja ii leat lassánan guhkes áigái. Mis lea leamaš coahkkin sámediggerádiin ja mii leat cállán maid mii oaivvildit ja sádden Sámediggái ja Sámedikki institušuvdnadiedáhussii - mii galgá almmuhuvvot. Mii leat maid cállán oktasaš preassadiedáhusaid.

– Hui ollu váivi dáhpáhuvvá sámi organisašuvnnaid gaskkas dál, cealká Muotka. Sámi nuoraidorganisašuvdna Davvi Nuorra lea heaittihuvvon. Dat lea hui váttis jodihit váldoorganisašuvnna bures go ii leat ruhta oažžut cállingotti ja bargat jámma dehálaš lossa áššiiguin. Sámi organisašuvnnat leat hirbmat dehálaccat sámi servodagas, ja leat dego sámi servodaga vuoddojuolggit. Mun háliidan ahte mis galget leat nanus organisašuvnnat. Mun háliidan ahte sámi organisašuvnnat galget bargat dehálaš sámi áššiiguin ja hástalit sihke Sámedikki ja eará eiseválddiid. Ørnebakk ja bargiidbellodat leat dál posišuvdnapolitihkkarat ja sis lea ovddasvástádus fievrridit govttolaš politihka – ja Bargiidbellodat ii sáhte badjelgeahccat sámi organisašuvnnaid ja hilgut sámi organisašuvnnaid. Sámi organisašuvnnat leat dehálaccat, cealká Muotka.

Unnit go dohkálaš dássi
1,1 milliuvnna ruvnnu oažžu NSR doarjjan ja dat lea unnit go vuolimus dohkálaš dássi, cealká Muotka. Dáinna binnánaš rudain mii galgat jodihit organisašuvnna beaivválaš doaimmaid, lágidit riikkacoahkkima, cohkket luohttámušolbmuid coahkkimiidda ja kurssaide, ja bargat kulturbargguid. – Mii oažžut heahpat unnán ruda. Mii sáhttit ovdamearkka dihte buohtastahttit Ovddádusbellodaga nuoraidorganisašuvnnain. Ovddádusbellodaga nuoraidorganisašuvnnas leat sullii 1000 miellahtu. Sis leat sullii seammá ollu miellahtut go NSRs. Ovdal suohkan- ja fylkkadiggeválgga, de sii ožžo ovtta milliuvnna ruvnnu maid geavahedje oahpahit 25 nuora movt jodihit válgagiccu. Dat cájeha áibbas cielgasit man unnán ruda mii oažžut ja makkár hástalusat mis leat, cealká Muotka.

NSR lea kulturpolitihkalaš organisašuvdna. Mii gáibidit ahte min organisašuvdna adnojuvvo árvvus. Mun doaivvun ahte Sámedikki posišuvdna váldá ovddasvástádusa min ovddas maid, cealká Muotka.

Gulahallanolmmoš:
Norgga Sámiid Riikkasearvvi (NSR) jodiheaddji Silje Karine Muotka, tel. 98487576

Eambbo rudat NSRii

Denne artikkelen på norsk