Min mielas livččii lean historjjálaš vejolašvuohta ovddidit nanus Sámedikki mii livččii buoremus sámi servodaga ovdáneapmái. NSR šálloša go dát áigumuš ii lihkostuvvan.

Bargiidbellodat gáibidii álgit posišuvnnaid alde šiehtadallat, iige politihkalaš vuođu alde. Bargiidbellodat lea gáibidan oažžut sihke sámediggepresideantta ja ráđi eanetlogu. Ráđis leat vihtta áirasa ja Bargiidbellodat gáibidii presideantta ja guokte ráđđelahtu. Bargiibellodat lea doalahan gáibádusa olles áiggi. NSR mielas Bargiidbellodat ii leat leamaš mielas čalmmustit čovdosiid, ja gáibádusat leat leamaš vealtameahttun gáibádusaid hámis.
 
NSR ulbmil lei cegget stivrennávccalaš eanetlogu Sámedikkis válgaáigodaga lohppii 2005-2009, muhto dađibahábut áigumuš ii lihkostuvvan.

Kárášjohka čakčamánu 25. beaivvi 2007.

Gulahallanolbmot:
Klemet Erland Hætta, tlf.: 918 71 744
Randi Skum, tlf.: 970 90 338

Denne artikkelen på norsk