Maŋemus áiggi lea leamaš ollu sáhka sámediggepresideantta virgelohpeohcamuša birra.
Mii háliidit dákko bokte nannet ahte NSR sámediggejoavku ollasit váldá vuhtii dan movt čoahkkinjođihangoddi lea dulkon Sámedikki vuođđonjuolggadusaid, iige NSR moktege hálit rihkkut vuođđonjuolggadusaid. Dán mii muitaimmet min ovttasbargoguimmiide vuossárgga. Mii leat danne vuordán almmuheames dáid áššiid danne go áigguimet vuos doallat čoahkkima ovttasbargoguimmiiguin.

Mii leat geahččalan čoavdit ovttasbargováttisvuođaid Sarain čoahkkimis miessemánus ja soabaimet dalle movt min ovttasbargu galgá doaibmat ovddasguvlui. Geassemánus Johan Mikkel Sara čálalaččat aŋkke dieđihii ahte son ii dattetge mieđa daidda áššiide maid leimmet soahpan miessemánus, ja gáibidii beassat šiehtadallat áššis áššái. Eanetlogu ovttasbargu ii sáhte doaibmat dán láhkái.

NSR ii hálit ahte ovttasbargováttisvuođat mat leat ovtta ovttaskas áirasiin Sámedikkis galget hehttet politihkkahábmema Sámedikkis, ja min mielas lea riekta botket ovttasbarggus. NSR áigu iešguđet vejolašvuođaid guorahallat ja geahččalit gávdnat eanetlogumolssaeavttu mii nákce stivret Sámedikki. NSR áigu guorahallat vejolašvuođaid gitta dievasčoahkkimii váhkkus 39.

Kárášjohka 14.09.2007

Gulahallanolbmot:
Sámediggepresideanta Aili Keskitalo 97 12 93 05
NSR joavkojođiheaddji Sámedikkis Lene Hansen 97 77 34 90
NSR joavkojođihangotti láhttu Sámedikkis Roger Pedersen 97 06 23 44

Denne artikkelen på norsk