Duorastaga borgemánu 9. beaivvi fitná sámediggepresideanta Aili Keskitalo Unjárggas máilmmi eamiálbmotbeaivvis. Unjárgga sámiid searvi áigu vuosttaš háve ávvudit beaivvi dolastemiin ja sosiálalaš deaivvademiin heastajalgga bajábealde Unjárggas. Keskitalo ja Norgga Sámiid Riikkasearvvi (NSR) jođiheaddji Silje Muotka doallaba oanehis sártni. 

- Olbmot galget beassat deaivvadit ja hávskostallat, ja mu mielas heive hui bures Unjárggas deaivvadit ON-beaivvi. Máŋgasiin lea ain geasseluomu ja sii leat dáppe ruovttus – ja várra mii sáhttit smiehttat maid geat mii leat, cealká Gunn-Britt Retter, Unjárgga sámiid searvvi jođiheaddji.

Jagis 1994 mearridii ON generálačoahkkin ahte borgemánu 9. beaivvi galgá leat máilmmi eamiálbmotbeaivi juohke jagi dan logi jagi go ON eamiálbmotbeaivvit bistet. Jagis 2004 julggáštii ON genárálačoahkkin ahte boehttevaš 10 jagi maid galget leat eamiálbmotjagit, ja borgemánu 9. beaivvi galgá 10 jagi vel ávvuduvvot máilmmi eamiálbmotbeaivin. Dán beaivvi ávvudit jahkásaššat ON kantuvrrain earret eará New Yorkas ja Genevés.

Gulahallanolbmot:
Gunn Britt Retter tlf. 91359222/99490344
Olav M. Dikkanen tlf. 78959011 41651801
Linn Muotka tlf. 92406391
Kåre Ballari tlf. 93423446
Charles Petterson tlf. 41419556
Aili Keskitalo tlf. 97129305
Silje Karine Muotka 98487576

Dát artihkkal dárogillii