Norgga Sámiid Riikkasearvi (NSR) doallá 39. riikkačoahkkima Bådåddjus geassemánu 22. - 24. beivviid 2007. Čoahkkinbáiki lea Radisson SAS Hotealla. Áššelisttus leat earret eará fáttát luondduipmárdus, luonddugeavaheapmi ja -suodjaleapmi, Sámedikki válgaortnet ja Riddoguolástuslávdegotti bargu.

Ivdnás čoahkkinoasseváldit
Áirasat lávejit coggat iežaset guovllu gávtti ja dan láhkái sii leat ivdnás čoahkkinoasseváldit, máŋgga láhkái.

NSR-jođiheaddji Silje Karine Muotka illuda. – Riikkačoahkkin lea sámi dáhpáhus mas sámeservviid ovddasteaddjit čoahkkanit, deaivvadit, ságastallet, digáštallet ja mearridit áigeguovdilis politihkalaš áššiid. Riikkačoahkkimis leat maid válggat ja riikkačoahkkin vállje jođiheaddji ja riikkastivrra. – Sierranasat illudan gávpotpolitihkalaš prográmmá mearridit, ja danne heivege hui bures deaivvadit Bådåddjus, cealká Muotka. Riikkačoahkkin galgá maid ságstallat sámeálbmotfoandda birra.

Kultuvra ja politihkka
- Riikkastivra lea riikkačoahkkima lágideaddji, muhto báikkálaš searvi Sálttus fuolaha kultuvrralaš prográmma. Sálto sámesiebrre jođiheaddji lea Eivind Langås. Beaivvás Sámi Teáhter bidjá čoahkkinoasseváldiid reaškit bearjadateahkeda go čájeha Cabareta dárogillii ja sámegillii (www.beaivvas.no). Lávvardaga ráhkada báikkálaš searvi musihkkaduoji mii čájeha julevsámi musihka, lávlun- ja juoiganárbevieru. Musihkkaduodjái sáhttet buohkat servat. Lávvárdateahkeda Lars Magne Andreassen čuojaha joavkkuinis.

Nuoraidkonferánsa ovdal riikkačoahkkima
- Riikkačoahkkin vállje nuoraidlávdegotti, ja nuoraidbargu leage dehálaš. Nuoraidlávdegoddi lágida konferánssa beivviid ovdal riikkačoahkkima. Nuoraidkonferánssa fáddá leat nuoraid oainnut seksualitehtii ja lea All different- All Equal konferána mii maiddái ságastallá manin sámi servodat atná homofiilla nuoraid, muitala Silje Muotka.

Gulahallanolbmot:
Čállingoddi 48070367
Silje Muotka 98487576
Eivind Langås 41303239
Nuoraidlávdegoddi 90797925
Dieđit musihkkaduodjái Lars Magne tlf. 90775275

Riikkačoahkkinbáhpirat
Preassagovat
Dát artihkkal dárogillii