Stuornjárgga Sámenuorak (SSN)  - 10 jagi

Jurddaš. Stuornjárgga Sámenuorak lea deavdán 10 jági. Geassemánu 8. b. 1997 dat geavai, ja dan rájes ollu lea geavvan! Ávvudit ja bovdet du festii gáhkuin, biepmuin, bruvssain, ja muittašemiin, ballongaiguin ja dukkoraddamii!

Buot miellahtut (dálá ja dološ) leat bovdejuvvon ávvudeapmái.

FUOM! Lea maid vejolaš miellahtuvuođa oastit doppe!

Goas: Bearjadaga geassemánu 15. b. dii. 18:00.
Gos: Rámávuolde sámediggeáirasa Susanne luhte.
Vácce luohká bajás! Doppe badjin gávnnat lávvostallansaji.

NSR-jođiheaddji Silje Muotka rámida nuoraidsearvvi go lea "kultuvrralaš álggaheaddji" mii earret eará lea álggahan Márkomeannu festivála ja sávvá ollu lihkku logi jagi ávvudemiin.

- Mii leat rámis go lea mis lea dákkár nuoraidsearvi ja mis lea áigumuš duođalaččat háhkat ođđa nuorra miellahtuid. Stuornjárgga-nuorat servet NSR bargguide ja leat mielde hábmemin organisašuvnna. Sii ánssášit rámi go háliidit bargat kultuvrralaš ja politihkalaš bargguid nuorra olbmo hoahpos árgabeaivvis mas lea skuvlavázzin ja studeren ja ollu eará doaimmat badjalaga, loahpaha Muotka.

Gulahallanolmmoš
Jođiheaddji Runar Myrnes Balto, mátketelefuvdna 97773778

Dát artihkkal dárogillii