Sámediggi lea meannudan Stuorradiggedieđáhusa nr. 21 ”Guolástusfatnasiid strukturpolitihkka” ja Stuorradiggi lea meannudeamen seammá dieđáhusa. 

Guoktelogi jagis leat stáhtalaš guolástusreguleremat measta jávkadan ealáhusvejolašvuođaid sámi riddoguovlluin. Stuorradiggedieđáhusas nr. 21 evttoha Ráđđehus earret eará struktureret guolástusfatnasiid gaskal 11 ja 15 mehter.
 
Ráđđehusa evttohus lea unnidan dáid fatnasiid logu beliin. Riddoguovlluin jávket sullii 4-500 fitnoguolásteaddji jahkevirggit. Ráđđehusa evttohus ahte eriid juohkin galgá bistit 20 - 25 jagi lea measta dego agalaš kvohtat. Jagis 2006 ledje 10.000 unnit fitnoguolásteaddjit Norggas go 1990. Guhttanuppelogi jagis leat jávkaduvvon nu ollu ahte lea sivva jearrat mii son dáhpáhuvva boahtte 20 jagi gitta jahkái 2027, jos Ráđđehusa evttohu mearriduvvo.

Lea go nu ahte mii ain háliidit ahte sámi guolásteamis galgá leat ressursavejolašvuohta 2027, go evttohuvvon strukturrievdadusaid áigi nohká. Jos Ráđđehusa evttohus mearriduvvo, de leat jáddet máŋga čuovgga Davvi-Norggas, ja moadde guolástusresurssat šaddet moadde redara duohkái Vestlandetis. Norgga Sámiid Riikkasearvi (NSR) ii sáhke dohkkehit dákkár dili, ja áigu bargat dan ala ahte Stuorradggedieđáhusa 21 stukturerenevttohusat eai šatta.  

Nu cealká sámediggeáirras Gunn-Britt Retter gii lea NSR áššejođiheaddji dán áššis.

Gulahallanolmmoš:
Gunn Britt Retter (tlf: 994 90 344)

Dát artihkkal dárogillii