II FAL STRUKTURERET

Norgga Sámiid Riikkasearvi (NSR) oaivvilda ahte lea boastut struktureret guolástusfatnasiid gaskal 11 ja 15 mehter. Jos riddoservodagat galget nagodit ceavzit, de dárbbašit oažžut varas guoli guolleindustriijai. Jos riddoguolásteaddjit eai beasa bivdit, de smávva servodagat šaddet vásihit vel eambbo stuorra hástalusaid ovddasguvlui.

Imaštahtti go jorggiha
Imaštahtti go riddo- ja guolástusministar Pedersen doarju evttohusa mii ovddiduvvo struktuvradiedáhusas. Má?ggas leat gullan su dáhkideamen ahte ii áiggo privatiseret guolleeriid, go nammadii struktuvralávdegotti. Soapmásat mis jáhkke ahte Helga dál áiggui jorggihahttit guolástuspolitihka.

Vuoigatvuodaid ferte cielggadit
NSR lea vuorrástuvvan go Stoltenberg ráddehus áigu struktureret guolástusfatnasiid ovdal go Smith-lávdegoddi lea geargan cielggadeamis sámiid ja earáid guolástusvuoigatvuodaid Finnmárkku rittus. Sámediggi lea gáibidan ahte guolástusfatnasiid gaskal 11 ja 15 mehter ii galgga struktureret. Jos strukturere ovdal go cielggadeapmi lea geargan, de lea bargan sámiid ja riddoálbmoga vuostá juoga maid ii šat sáhte má??il njulget. Go Norga ja Storbritannia nákkáhalle dan alde gokko galge bidjat guolástusrájá, de Haag duopmostuollu jagis 1949 deattuhii ahte báikki olbmot ledje guhká guolástan. NSR oaivvida ahte sámiin leat guolástusvuoigatvuodat, ja go dán oaivvildit, de eat sáhte dohkkehit struktureret dáid guolástusfatnasiid ovdal go vuoigatvuodat leat cielggaduvvon.

Váikkuha riddoservodagaide
Stáhtaráddi Pedersen namuhii medias muhtun vuonaid main son oaivvilda ahte lea sámi guolásteapmi. Orui oaivvildeamen ahte sámit guolástit dušše dain vuonain. Pedersen ii namuhan dehálaš mearrasámi guovlluid nu mo ovdamearkka dihte Álttavuotna, Skiervá, Moskavuotna Romssas ja Divttasvuotna Nordlánddas. Dás ii leat sáhka dušše moatti fatnasis, danne go mii diehtit ahte struktureren váikkuha ollu olles Davvi-Norgii. Dás lea sáhka 600 fatnasiin. Dáid guolástusfatnasiid stuktureren váikkuha riddoservodagaide sihke mearas ja gáttis, skuvllaide, rámbuvrraide, báikkálaš smávvafitnodagaide. Dás han lea sáhka. Guolástusvuoigatvuodat rittus gullet olbmuide geat orrot rittus ja geain lea gullevašvuohta riddoguovlluide. Dát berrejit leat oahpes áššit riddo- ja guolástusministarii, go son boahtá Deanus ja lea áigumin ássat Detnui fas boahtteáiggis.

Guolástuspolitihkka Finnmárkulaccaid ládje?
Jurddaš jos don Helga, gii leat okta fámoleamos nissonolbmuin politihkaš, sáhtášit stivret dán ášši? Muitte go ovddidedjet prošeavtta "guolástuspolitihkka Finnmárkkulaccaid láddje". Go ledjet fylkkasátnejodiheaddji, de barget garrasit vai earit galge bissut báikkálaš olbmuid duohken. Riddo- ja guolástusministarin bargabehtet don ja ráddehus áibbas nuppeládje. Manne nu?

Gulahallanolmmoš:
NSR-jodiheaddji Silje Muotka Mobil 98487576
Preassagovat

Dát artihkkal dárogillii