RSS-feed

Velg språk!

Utskriftsvennlig versjon NSR oahppoorganisašuvnna njuolggadusat
Sámi oahppolihttu jođiha Nrgga Sámiid Riikkasearvvi oahppodoaimmaid ja dás logat Sámi oahppolihtu njuolggadusaid.

Almmuhuvvon: 18.04.2007

SÁMI OAHPPOLÁVDEGODDI – SOL

§ 1 Organiseren ja ulbmil
Norgga Sámii Riikkasearvi (NSR) lea oahppoorganisašuvdna mas leat doaimmat Ollesolbmooahpahuslága olis. Sámi Oahppolávdegoddi – SOL – Samisk studieutvalg jođiha oahppoorganisašuvnna.

Sámegiella, sámi kultuvra ja eallinvuohki galgá leat nu nanus go vejolaš servodagas, danne oahppoorganisašuvnna váldoulbmil lea jođihit čuvgehus- ja oahppodoaimmaid dáin fáttáin: sámegiella, sámi kultuvra, sámi ealáhus- ja vuoigatvuođagažaldagat ja muitalit almmolašvuhtii sápmelaččaid ja sámi diliid birra.

§ 2 Miellahttovuohta
Miellahtut leat báikkálaš searvvit mat gullet Norgga Sámiid Riikkasearvái-NSR.

§ 3 Báikkálaš organiseren
Báikkalaš searvvi váljjejuvvon oahppolávdegoddi jođiha báikkalaš oahpahusdoaimma. Báikkálaš oahppolávdegoddi galgá vástidit NSR guovddáš oahpplávdegoddái. Báikkálaš servviid sávaldagat galget váldojuvvot vuhtii oahpahusbaggus.

§ 4 Stivrenmálle
a. NSRs lea formála ovddasvástádus oahppodoaimmaide. NSR riikkačoahkkin lea SOL bajimus eiseváldi. NSR riikkačoahkkin vállje oahpplávdegotti - Sámi Oahppolávdegoddi – SOL – jođiheaddji ja 2 lahtu oktan várrelahtuiguin geat barget praktihkalaš bargguid oahppoorganisašuvnnas. Sii válljejuvvojit 2 jahkái hávális.

Riikkačoahkkin galgá meannudit:

  • Jahkedieđáhusa.
  • Reviderejuvvon rehkedoalu ja bušeahta.

b. Oahpplávdegotti geatnegasvuođat:

  • Jođihit oahppoorganisašuvnna ja stivret doaimma njuolggadusaid mielde.
  • Ráhkadit jahkedieđáhusa ja rehkedoalu, plánaid ja bušeahta.
  • Dohkkehit oahpahusdoaimmaid. Oahppolávdegotti ovddasvástádus lea bearráigeahččat ahte oahpahus lea fágalaččat govttolaš ja almmolaččat olámuttus.
  • Galgá doaimmahit vai lágiduvvojit kurssat ja seminárat olbmuide geat barget oahppodoaimmaiguin organisašuvnnas ja servviin.
  • Virgái bidjat dábálaš doaimmaid.
  • Jođihit kursa- ja čuvgehusdoaimmaid dain guovlluin gos eai leat báikkálaš searvvit.

§ 5 Čállingoddi
Čállingottis leat studierektor maid oahppolávdegoddi lea bidjan virgái. Oahpplávdegoddi bidjá virgái dárbbašlaš bargiid ja ráhkada instruvssa virggiide.

§ 6 Ovddasteapmi
Oahppolávdegoddi galgá ovddastit oahppoorganisašuvnna almmolaš orgánain ja eará orgnisašuvnnain ja ásahusain dakkár áššiin mat gusket ollesolbmooahpahussii ja čuvgehusdoaimmaide.

§ 7 Ruhtadilli
Oahppoorganisašuvnna doaibma ruhtaduvvo almmolaš doarjagiin ja oahppodiibmoosiin maid oahppolittu mearrida juohke jagi.

§ 8 Njuolggadusaid nuppásteapmi
Norgga Sámiid Riikkasearvvi stivra ferte dohkkehit njuolggadusrievdamiid. Sámi Oahppolávdegoddi meannuda rievdadusevttohusaid jos dat bohtet, ja sádde daid gulaskuddamii báikkálaš servviiide ovdal go NSR dohkkeha daid.

Njuolggadusat dárogillii





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S