Dušše árgabeivviid

NRK sádde sámegielsáddagiid duššefal árgabeivviid. Dohkkehivččii go dáčča álbmot gullat ođđasiid duššefal árgabeivviid? Dohkkehivččii go dáčča álbmot ahte ii livčče Dagsnytt-sátta, eaige eará ođassáddagat dárogillii lávvardagaid ja sotnabeivviid?

Davvinorgalaš hoavda
 
Kringkastingshoavda – geas leat máttut Davvi-Norggas ja lea bargan dáppe davvin – hui bures sáhttá dáinna bargagoahtit vai vuhtto makkár olmmoš lea álgán hoavdan. Sámit leat máŋgii jearran manne eai leat ođassáddagat lávvardaga ja sotnabeaivvi.

Resurssaid vuoruhit
 
NRK lea dieđusge vástidan ahte lea resurssaid duohken. Dál ferte ruhta vuoruhuvvot vai sámi álbmot beassá ođđasiid gullat sámegillii buot vahkkoloahpaid miehtá jagi. Mun lea naitto rámiidan NRK Sámi Radio go sii leat nannen dárogielfálaldaga neahtas. Dát lea demokratiseren danne go sámit geat eai máhte sámegiela besset čuovvut mielde sámepolitihkas ja searvat servodatdigáštallamiidda. Nubbi dehálaš lávki livččii ahte sámeradio ráhkada buriid siidduid main leat teavsttat sámegillii. 
 
Sámegielsiiddut dehálaččat

In liiko go Sámi Radio gaskaboddasaččat lea mearridan heaittit čállimis sámegilii interneahtas. NRKs leat dá guokte buorit vejolašvuođat čađahit dábalaškringkasting geatnegasvuođa sámi álbmoga ovddas. Mii dárbbašit sámi neahttaođđasii main lea čálalaš teaksta guktot gillii ja dárbbašit ođassáddagiid sámegillii vahkkoloahpaid.

Mánáid-TV hástalusat
 
Vaikko NRK lea lasihan sámi mánáid-TV sáddagiid binnánaš maŋemus jagiid, de oaivvildan ahte ain leat stuorra čoavddekeahtes hástalusat nuoramus gehččiid ektui.

Davvinorgga mánát leat diehtomielalaččat jurddašišgoahtán iežaset identitehta birra danne med go NRK leamaš máilmmi čeahppi ráhkadit mánáid-TV sáddagiid Davvi-Norggas. Dál ferte Sámi mánáid-TV sáddagiid árvvu loktet badjelii.

Gulahallanolmmoš:

Lene Hansen tlf. Joavkojođiheddji Sámedikkis, tlf. 97773490 gruppeleder(a)nsr.no

Dát artihkkal dárogillii