RSS-feed

Velg språk!

Utskriftsvennlig versjon Sámi OL-illu
Lene Hansen, Norgga Sámiid Riikkasearvvi joavkojođiheaddji Sámedikkis. Govva: NSR.
- Dál mii fertet čájehit ahte mii máhttit buktit Romsii ja Norgii dimenšuvnna mii dahká ahte vuoitit riikkaidgaskasaš gilvvu beassat lágidit OL 2018, cealká NSR joavkojođiheaddji Sámedikkis Lene Hansen.

Almmuhuvvon: 01.04.2007

-  Buorre sámi álbmogii
 
- Addá buriid vejolašvuođaid sámi servodahkii. Dál mii fertet čájehit ahte mii máhttit buktit Romsii ja Norgii dimenšuvnna mii dahká ahte vuoitit riikkaidgaskasaš gilvvu beassat lágidit OL 2018, cealká Norgga Sámiid Riikkasearvvi (NSR) joavkojođiheaddji Sámedikkis Lene Hansen, go valáštallanstivra mieđihii válljet Romssa Norgga OL-kandidáhttagávpogin.
 
Sámediggi ja Norgga Sámiid Riikkasearvi (NSR) leat dan rájes go jurdda cahkkái, dorjon Romssa OL áigumušaid, maŋimustá jagis 2006 go dadjat-juo ovttajienalaš Sámediggi ávžžuhii valáštallama válljet Romssa.
 
- Mii leat mielas lágidit OL davvin danne go lea buorre vejolašvuohta sámiide ja eamiálbmogiidda oidnot máilmmis buori vuogi mielde. Mii leat váillahan ahte arktalaš eamiálbmogat oidnojit, ja dál máilmmi čalmmit geahččagohtet deike. Sámi álbmogis lea nana sadji Norgga servodagas, ja dát ášši sáhttá váikkuhit dasa ahte earáge eamiálbmogiid dilli buorrána ja stahtus loktana, cealká Lene Hansen.
 
NSR joavkojođiheaddji deattuha ahte sámi álbmot galgá leahket mielde lágideamen gilvvuid – eai galgga leat geahččiit, eai ge dušše hearvan.
 
- Dán háve leat sámit fárus guossuheamen gussiid. Eat mii galgga dušše čájehallat gávttiid ja bohccuid. Mii galgat searvat buot lágidemiide ja plánemiidda. Searvama bokte mii beassat háhkat ođđa gelbbolašvuođa ja ovdánahttit olles sámi servodaga.
 
- Beroštan sierranasat ealáhusain. Sámi ealáhusat sáhttet ahtánuššat OL-lágideami bokte – sihke duodji, sámi borramušráhkadeapmi, mátkeealáhusat ja vásáhusealáhuat, cealká Lene Hansen (NSR).

Gulahallanolmmoš:

Lene Hansen 97 77 34 90

Preassagovva ja Preassagovva II (Lene Hansen, Aili Keskitalo ja Silje Muotka)

Dát artihkkal dárogillii





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S