Sámi resursajoavku lea bargan  buori barggu dán oktavuođas ja giittán sin. Buorre gullat go eará ohccigávpogat maid dorjot válljejuvvon gávpoga. Keskitalo doaivu ohcanfitnodaga Romsa 2018 AS ain ovttasbargat bures sámi servodagain.

- Sámit ja nuppit eamiálbmogat dárbbašit riikkaidgaskasaš fuomášumi maid dálvegilvvut sáhttet buktit jos dálvegilvvut lágiduvvojit Romssas. Mii fertet smiehttat dálkkádat hástalusaid arktisas ja fuomášahttit movt dálkkádatrievdamat čuhcet eamiálbmogiidda. Sámediggi áigu veahkkin gozihit ahte eamiálbmotberoštumit váldojuvvojit vuhtii Romssa 2018 plánain ja bargguid ovddasguvlui, cealká sámediggepresideanta Aili Keskitalo.

Formealla  OL-ohcamuš dárbbaša stáhtadáhkádusa. Ráđđehus galgá árvvoštallat sihke ohcamuša ja oppalašvuođa. Dasto galgá ohcamuš čállojuvvot ja sáddejuvvot riikkaidgaskasaš olympalaš lávdegoddái, IOC, ovdal 2010. Jos Norga ja Romsa besset lágidit OL 2018, de šaddá vuosttaš have OL davábealde polargearddu, arktalaš eamiálbmogiid ruovttuguovlluin.

- Lunddolaš lea bovdet nuppiid arktalaš eamiálbmogiid searvat ja bovdet sin lávddi ala kulturprográmmas. Sápmelaččat fertejit konkrehta sisdoalu čilget, ja oččodit ja nannet sihke kapasitehta ja gelbbolašvuođa . Ohcanfintodat ferte oččodit sámiid mielde sihke stivrraide ja hálddahussii, cealká Keskitalo. 

(Gáldu: Sámedikki preassadieđáhus sámás nsr.no)

Gulahallanolmmoš:

Aili Keskitalo, sámediggepresideanta tlf. 78 47 40 00  / 971 29 305

Dát artihkkal dárogillii

Eanet artihkkalat OL birra:

NSR joavkojođiheaddji OL gilvvuid birra

Romssa Sámi Searvvi-NSR jođiheaddji illuda