RSS-feed

Velg språk!

Utskriftsvennlig versjon Duhtavaš čovdosiin fievrridit guliid biillain
Politihkalaš ráđđeaddi Geir Tommy Pedersen (NSR)
Sámediggeráđđi lea duhtavaš go Guolástusdirektoráhta ja Norges Råfisklag orrot dál ovttas gávdnan čovdosa guollevuostáváldi Sætrums Fiskekjøp ektui Smiervuonas, muitala Geir Tommy Pedersen (NSR).

Almmuhuvvon: 05.03.2007

Dál lea lohpi fievrridit biillain varas guliid guollevuostáváldái, jos sálaš vihkkejuvvo ovdalgo dat fievrriduvvo ja čuovusseaddal devdojuvvo ja sáddejuvvo.

- Sámediggi fuomásuhtii Guolástusdirektoráhta ahte njuolggadusaid vuođul duođai gávdno juste dán lágan čoavddusvejolašvuohta. Sætrums Fiskekjøp ja guoskevaš guolásteddjiide lea dát dohkálaš čoavddus. Mun lean hui duhtavaš go čoavddus gávdnui johtilit, danne go guolit dál leat olggobealde rittu, dadjá Sámediggeráđi politihkalaš ráđđeaddi, Geir Tommy Pedersen.

Sætrums Fiskekjøp Smiervuonas Porsánggus váldá vuostá guliid máŋgga báikkálaš guolásteaddjis lagašguovllus. Guolásteaddjit váldet ieža stuorámus oasi sállašis gáddái, ja dat fievrriduvvo dan maŋŋá guollevuostáváldái Smiervuonas. Guolástusdirektoráhta oaivvildii ahte dát lei vuostá njuolggadusaid. Direktoráhta čuoččuhii ahte sállaša fertii váldit gáddái dohkkehuvvon vuostáváldi luhtte, nu ahte guliid sáhtii vihkket ja dárkkistit njuolggadusaid mielde.

- Vuotnabivdiide ja smávva guollevuostáváldiide lea dát geavahus dakkár maid lea ekonomalaččat ja geavatlaččat váttis čađahit. Dál sáhttet báikkálaš guollebivdit mannat ruoktot maŋŋá bivdomátki, ja dan maŋŋá fievrridit sállaša báikkálaš guollevuostáváldái biillain. Mearri mii fievrriduvvo lea ain juo nu unni dan stuorra oktavuođas, ahte ii leat makkárge ágga ballat bivdoeriiguin verrošeami dahje guliid čáhppesgávppiin vuovdima, dadjá Pedersen. 
 
(Gáldu: Sámedikki preassadieđáhus)
 
Geir Tommy Pedersen 
Politihkkalaš ráđđeaddi 
 
Telefovdna  Mobila 
78 47 40 00  94 82 31 04 





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S