RSS-feed

Velg språk!

Utskriftsvennlig versjon Geavahehket ruđa sámi skuvlabákčasiidda
Lene Hansen (ovddemusas)
Sámeálbmotfoandda ruhta berre geavahuvvot dokumenteret sin dili geat leat gillán váilevaš skuvlavázzima dihte, oaivvilda Lene Hansen, NSR joavkojođiheaddji. Son lea seamma oaivilis go oahppováillagat, geat leat sávvan dákkár prošeavtta.

Almmuhuvvon: 25.02.2007

- Sámi skuvlabákčasat leat guhká váikkuhan min servvodahkii ja váikkuhit ain. Mii fertet soabadišgoahtit, ja sii geat šadde gillát, fertejit beassat muitalit makkár dilli sis lei. Ieš gal gulan nuorra bulvii mii ii leat šaddan dovdat movt dilli lei, ja dovddan ahte lea hui dehálaš ahte dilli muitaluvvo ja dahkkojuvvo dovddusin ja dokumenterejuvvo, cealká Lene Hansen.

Dutkat váivves vásáhusaid

 

Stuorradiggi mearridii geassemánus 2000is ásahit Sámeálbmotfoandda mas lea vuođđokapitála 75 miljun ruvnnu. Foandda reanttut galget geavahuvvot nannet sámegiela ja sámi kultuvrra. Stuorradiggi ásahii foandda oktasaš buhtadussan daid váilliid geažil maid sápmelaččat šadde gillát dáruduhttinpolitihka dihte.

Sámeálbmotfoandda ruhta ii sáhte geavahuvvot ovttaskas olbmo buhtadusaide. Nu lea Stuorradiggi mearridan. - Danne mii fertešeimmet geavahit Sámeálbmotfoandda ruđa stuorra dokumentašuvdna- ja dutkanprošektii mas váivves vásáhusat bohtet ovdan, evttoha Hansen.

Dehálaš vai ipmirdišgoahtit buorebut

Son čujuha internáhttadáhpáhusaide mas mánát leat šaddan gillát seksuálalaš illástemiid, massán giela, vajálduhttán luđiid ja manahan buot máhtu mii sis lei sámi borramušráhkadeamis, bivttasduddjomis ja sámi muitalandáiddu. Sii atnigohte iežaset kultuvrra heittohin ja iežas maid heittohin. Dát lea historjá man birra mii fertet hupmat vai mii sáhttit ovdalaš áiggi váivviiguin soabadišgoahtit.

- Dát sáhttá leat sivva go máŋggas eai gáro váldit alla oahpu dálá áiggi. Sii geat duođaid leat vásihan skuvlabákčasiid sáhttet muitalit dehálaš ášši sihke dáččaservvodahkii ja ođđaáigasaš sámi servvodahkii. Dan bokte mii sáhttit ipmirdišgoahtit sámi máilmmi buorebut, oaivvilda Hansen.

 

Gulahallanolmmoš: Lene Hansen 97773490





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S