- Guovllulaš hálddašandási ásaheapmi gonagasreappáide eaktuda ahte Sámediggi lea mielde mearrideamen earret eará searvaneavttuid ja gonagasreabbábivddu, dadjá ráđđelahttu Ann-Mari Thomassen.

Buot guolásteaddjit nuorttabealde Nordkapp geain lea fanas vuollel 15 mehter berrejit sáhttit oassálastit reabbábivddus maŋŋil ohcama vai sihkkarastá ja nanne ássanstruktuvrra rittuin ja vuonain. Fatnasat mat leat vuollel 15 mehtera berrejit beassat bivdit gonagasreappáid birra jagi. Bivdoearrejagi viiddideapmi álkuduhtášii bivddu unnit fatnasiin sihke buoret sihkarvuođa (neavrresdálkkiid geažil) ja vejolašvuođa vuođul bivdit reappáid dalle go eará šlájaid fitnen lea váttis. Go biđge gonagasreabbábivddu guhkkit áiggi badjel máilmmemárkanis, de sáhtášii dainna maid sihkkarastit buoret reabbáhatti

- Midjiide lea deaŧalaš ahte gonagasreappáid hálddašeapmi nanne riddoservodagaid ja guolástusealáhusa. Sámedikki guolástuspolitihkas lea guovllulaš hálddašeapmi, nana riddo- ja vuotnaservodagat ja riddofatnasat vuollel 15 mehter guovdilis bealit eastadit heajos ovdáneamis sámi riddo- ja vuotnaguovlluin, dadjá Thomassen loahpas.

Gonagasreappáid hálddašeapmi meannuduvvo Sámedikki dievasčoahkkimis 2007 guovvamánu loahpas.

(Gáldu: Sámedikki preassadieđáhus)

Dárogielveršuvdna