RSS-feed

Velg språk!

Utskriftsvennlig versjon Dohkkehuvvon rasisma?
Brita Julianne Skum lea Álttá sámiid searvvi jođiheaddji
NSR báikkálaš searvi Álttá sámiid searvi lea guhká bargan ovddidan dihte sámevuođa Álttás. Jođiheaddji Brita Julianne Skum oaivvilda ahte Álttá servvodat galggašii atnit árvvus sámi historjjá, ja atná unohassan cielaheami man birra sápmelaš muitalii Altapostenis. Maŋŋel Grand Prix Álttás, de leat sámit maid cielahuvvon Altapostena neahttabloggas.

Almmuhuvvon: 30.01.2007

Jođiheaddji Brita Julianne Skum rámiida albmá gii muitalii sápmelaš vásihan cielaheami birra Altapostenis ođđajagimánu 26. beaivvi. Skum cealká ahte su cealkámušat leat dehálaččat ja ahte máŋggas dovdet ahte ášši guoská sidjiide. – Álttá sámiid searvvi mielas lea jálos dahkku, cealká Brita Julianne Skum. – Mii ávžžuhit albmá loktet oaivvi ja čevllohallat sámi duogáža dihte. Álttá sámiid searvi sávvá ahte su cealkámuš rabašii álttálaččaid čalmmiid ja Finnmárkkulaččaid čalmmiid. – Ii leat somá lohkat, muhto son ferte muitit ahte son ii leat okto, joatká Skum.

Ovdagáttuid vuostá bargat máhttoloktemiin

Álttá sámiid searvi lea álo geahččalan váikkuhit buriid guottuide ja lea dan oaivilis ahte ovdagáttuiguin birge buoremusat jos addá dieđuid. Mii oaidnit juo barggu bohtosiid. Ollu buorre lea dáhpáhuvvan Álttás maŋemus jagiid.

Brita Julianne Skum oaivvilda ahte Altaposten čálus čájeha ahte ain lea bargu barggakeahttá go lea sáhka sámi áššiid nannemis. Skum cealká ahte sápmelaččaid ja dáččaid gaskavuođat leat buorránan maŋemus jagiid, muhto dađibahábut leat ain máŋggas geat vásihit rasismma árgabeaivvis. 

Álttá sátnejođiheaddji ii váldde ášši duođas

- Álttá sátnejođiheaddji Geir-Ove Bakken cealkámuš Altapostenis lávvardaga 27.01.07 čájeha áibbas čielgasit ahte son ii váldde dán ášši duođas, cealká Brita Julianne Skum.

Sámiid searvvi jođiheaddji han lea Álttá ovddimus ovddasteaddji ja jurddaš go heiveha cealkit ahte rasisma boahtá das go “radikála sámepolitihkkárat badjealmearástallet”. – Mu mielas lea heivetmeahttun. Sátnejođiheaddjis leat imaš cealkámušat go dadjá ahte “álttálaččaid ja sápmelaččaid gaskavuođat leat buoret go goassege ovdal”. Álttá sátnejođiheaddji lea maid sápmelaččaid sátnejođiheaddji ja sápmelaččat leat álo orron dáppe, cealká Skum.

Sápmelaččat gullet servodahkii nu go earátge

Álttá sámiid searvvi mielas Álttá suohkan ferte buktit sápmelašvuođa ovdan lunddolaš oassin Álttá servodagas. – Mii fertet čájehit ahte mii čevllohallat min iežamet historjjás, cealká Skum. – Danne mii sávvat ahte suohkan ain bargá buori barggu sápmelašvuođa ovddas ja mii sávvat joatkit buori ságastallamiid mat Álttá sámiid searvvis leat leamaš Álttá suohkaniin,  loahpaha jođiheaddji Brita Julianne Skum.

Sámeservviid oktavuođadieđut

Dárogielveršuvdna





Kommenter denne artikkelen    Tips en venn  Gå tilbake
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S