Norgga Sámiid Riikkasearvi (NSR) váruha Finnmárkkuopmodaga lasiheames divadiid menddo sakka. ”Jos divadiid lasiha ja dasa lassin vel odda divvadiid ásaha, de álbmot luohttigoahtá unnit ahte unnit odda hálddašanorgánii” cealká Norgga Sámiid Riikkasearvvi jodiheaddji Silje Karine Muotka.

”Vuorrástuhtti lea gullat oddasiin ahte Finnmárkkuopmodat lea áigumin divadiid bidjat muorracuollamii ja várra maid diinegoahtit guovžabivddus” oaivvilda Muotka. ”Dákkár ovdáneapmi ii hukse luohttevašvuoda álbmogis. Dákkár ovdáneapmi baicce addá olbmuide eahpesihkkaris dovddu ja olbmot eahpidišgohtet ahte dát odda ortnet vuhtii váldá sin beroštumiid. Finnmárkkuopmodat ferte diehtit ja ipmirdit guhkesáiggebarggu bidjat johtui vai šaddá buorre legimitehta min oktasaš areálaid hálddašeamis.”

Muotká imašta go odda hálddašeamis orrot leamen bidjamin diinema ja profihta buot ovddimussii. ”Midjiide lea buoremus jos hálddašeapmi dál váldá vuhtii kultuvrralaš ja servodatlaš sivaid mat dahke ahte oaccuimet Finnmárkkopmodaga. Namalassii ahte ii galgga hehttet sámi kultuvrra ja ealáhuseallima dahje headuštit dan vel eambbo divadiiguin. Finnmárkkuopmodaga stivra ferte geahccalit gávdnat ruda doaibmangoluide eará sajiin go Finnmárkku álbmoga ruhtaburssain. Dát han gullá sin ovddastvástádussii ja bargui”.

Norgga Sámiid Riikkasearvvi jodiheaddji celkkii geasset ahte lasihuvvon divada dagahit ahte álbmot ii dáidde šat luohttit Finnmárkkuopmodahkii. Dál lea Finnmárkkuopmodat  mearridan lasihit divadiid. - In leat duhtavaš go dán guvlui manná, loahpaha Muotka.

Dárogielveršuvdna