Mearkkašahtti stuorra bargamušsirdin buhttešii dálá guovdduštuvvon, sektoriidda juhkkojuvvon hálddašanvuogádaga. Nu sáhttet hálddašanguovllut čohkket máŋgga sektora resurssaid seamma ulbmilii ja láhčit vejolašvuođaid dakkár guovllulaš plánemiidda ja áŋgiruššamiidda, mat doibmet rattálagaid. Dattetge lea deaŧalaš ahte ođđa háldenguovlluide sihkkarastojuvvojit resurssat ja gelbbolašvuohta nu ahte sáhttá čuovvolit stáhta sámepolitihka.
- Ráđđehusa stuorradiggedieđáhusas hálddašanođastusa birra boahtá ovdan ahte stuorra háldenguovllut buvttihit stuorát bargamušaid háldenguovlluide. Dalle sáhttá buorebut plánet ollislašvuođa vuođul. Dát čohkkešii maiddái sámi guovlluid buorebut go dál. Stuorát čoahkádus sihkkarastá máiddái buoret oktiiordnema ja ahte sámeálbmot oažžu seammalágan bálvalusaid juohke sajis. Danne livččii sámi oainnu vuođul ulbmilaš čohkket sámi geavahan- ja ássanguovlluid buorebut go dál, dadjá sámediggeráđi lahttu Jarle Jonassen.
Mearkkašahtti stuorra bargamušsirdin buhttešii dálá guovdduštuvvon, sektoriidda juhkkojuvvon hálddašanvuogádaga. Nu sáhttet hálddašanguovllut čohkket máŋgga sektora resurssaid seamma ulbmilii ja láhčit vejolašvuođaid dakkár guovllulaš plánemiidda ja áŋgiruššamiidda, mat doibmet rattálagaid. Dattetge lea deaŧalaš ahte ođđa háldenguovlluide sihkkarastojuvvojit resurssat ja gelbbolašvuohta nu ahte sáhttá čuovvolit stáhta sámepolitihka.
- Sámediggi lea dál ásahan ovttasbargošiehtadusaid bokte buori ovttasbarggu daiguin fylkkasuohkaniiguin, main leat árbevirolaš sámi geavahan- ja ássanguovllut. Go galgá nannet Sámedikki rolla guovllulaš ovddidanbarggus, de ferte dákkár šiehtadusaid maiddái dahkat ođđa háldenguovlluiguin. Go dát ovttasbargu ii leat geatnegahtti, de lea deaŧalaš oččodit eanet geatnegahtti ovttasbarggu ođđa hálddašanguovlluiguin. Sámediggi lea barggadettiin dáinna áššiin ráđđehusa ektui atnán deaŧalažžan ahte dat konsultašuvdnašiehtadus mii Sámedikkis lea stáhtain, ii galgga geanohahttojuvvot. Go stáhtalaš doaimmat sirdojuvvojit háldenguovlluide, de ferte maiddái konsultašuvdnavuoigatvuohta čuovvut mielde, dadjá Jonassen.
Dat bargamušat mat evttohuvvojit sirdojuvvot mariidnasektoris, leat dakkár bargamušat main Sámedikkis ferte leat dadjamuš. Deaŧalaš lea ahte Sámedikkis lea dadjamuš dain stievrenorgánain, mat hálddašit resurssaid sámi árbevirolaš geavahan- ja ássanguovlluin, ILO-soahpamuša 169 vuođul. Dán prinsihpa ferte geavahit resurssaid guovllulaš hálddašeami oktavuođas.
Ráđđehus háliida ásahit guovllulaš dutkanfoanddaid. Sámediggeráđi mielas dát lea hui buorre. Maiddái dárbbašuvvojit ruđat sámiide guoski dutkamii ja Sámediggi háliida sierra sámi dutkanfoandda.
- Sámediggi ferte leat guovddážis hábmemin guovllulaš plánastrategiija dain háldenguovlluin, main leat sámi geavahan- ja ássanguovllut, erenoamážit Fylkkamánni bargamušaid ektui. Lea deaŧalaš ahte Sámediggi oažžu duohta váikkuhanfámu plánaproseassas vái sámi beroštusat fuolahuvvojit. Dán sáhttá sihkkarastit ovdamearkka dihtii dakko bokte ahte dat golbma beali, Sámediggi, háldenguovlu ja stáhta, šiehtadallet, loahpaha Jonassen.
(Gáldu: Sámedikki preassadieđáhus)
Jarle Jonassen, Sámediggeráđđelahttu, Mátketkf. 78 47 40 00 / 975 81 637
Norsk versjon
Kommenter denne artikkelen
Tips en venn Gå tilbake