|
| | Sámediggeáirras Gunn-Britt Retter NSR/SáB |
Sámediggeráđi politihkalaš progámma olis fuomášahtii NSR sámediggeáirras unjárgalaš Gunn Britt Retter dearvvašvuođa ja dálkkadatrievdama gaskavuođaid.
Almmuhuvvon: 11.12.2006
Nuoskkideapmi billista dearvvašvuođa
Dearvvašvuođabarggus ferte váldit vuhtii nuoskkideami hástalusaid. Ain lea gal nu ahte ferte borrat eambbo go logi kilo omd fállábierggu beaivái ovdal go mirkkoluvvo. Nuoskkideapmi boahtá guhkin meara ja áimmu čađa ja čoahkkana min guovlluide. Dat bissu ja mirkkodáhttá luonddu ja daid maid mii doppe viežžat borramuššan.
Dárbbu lea eanet dutkat ja eanet dieđuid juohkit vai mii diehtit maid mii borrat – ja ieža dáid dieđuid vuođul sáhttit váljjet maid mii beaivvaláččat borrat, ja mo váruhit. Árbevirolaš borramuš lea dehálaš min kultuvrrii, min eallinvuohkái ja boahtteáigái. Jos mii eat beasa dan válljis borrat, de dat maid váikkuha min kultuvrii ja min dearvvasvuhtii.
Dálkkadatrievdamat ja lastamáđut
Mun lean dán jagige vuodján luomemeahccái! E75 mielde dávás, go min baikkiin lea váttis gávnnat luopmániid lastamáđuid dihtii, mat leat guhtta jagi juo borran buot lasttaid muorain.
Dálkkádatrievdadusat eai mearkkaš dušše dan ahte šáddá lieggasat, bivvalat dahje maid muhtun báikkin buollašat. Dálkkádatrievdan čuohcá min kultuvrii. Maid bohccot galget guohtut jos lieggasat dálkkádat buktá ođđa šattuid, ja jos jieknjá ja bivalda menddo dávja nu ahte eai gávnna guohtuma. Mákkár guolit leat min vuonain, jos dorski ja eará eai šat loavte min vuonain go čáhci lieggana?
Sámi statistihkkabargu ferte nannejuvvot ja vuoruduvvot
Mii, álbmotválljejuvvon orgána, dárbbašit statistihkaid mat leat veahkkin midjiide go galgat váldit mearrádusaid. Dearvvašvuohta ja birasgáhtten. Dát áššit mannet giehtalagaid ja mii fertet diehtit eambbo daid birra. Mis ferte leat nana diehtovuođđu mii lea min álbmoga birra – ja min luonddu birra. Sámi statistihkkabargu ferte nannejuvvot ja vuoruduvvot.
Gunn Britt Retter gunnbritt@gmail.com 91359222
Kommenter denne artikkelen
|
|
- Bokep Online Fardad
- På tide å oppdatere?
- cuhRbaCCgbGvKR
- Tøffa govva!
|
|