Norgga Sámiid Riikkasearvi lea bidjan Gávpotpolitihkalaš plána báikkálaš servviid ovdii gulaskuddamii. Plána lea viežžanláhkái interneahtas www.nsr.no dárogillii ja sámegillii. Báikkálaš searvvit sáhttet sihtat bábermáŋgosa čállingottis tlf. 77486955 dahje e-poasta nsr@nsr.no

Lea go Gávpotpolitihkalaš plána doarvái višuneara? Gos lea NSR 25 jagi geahčen? Makkár áššit leat dehálaččat? Movt lea dárbu stivret ovdáneami?

Sámit leat orron gávpogiin guhká ja eambbosat fárrejit gávpogiidda. Sámepolitihkka lea leamaš vuođđoealáhusaid, guohtuneatnamiid, boraspiiriid ja guolástusfatnasa birra. Muhto, ođđa máilbmi lea gávpogiin ja sámit leat oassin ođđa máilmmis. Máŋga doaibmabijut leat dakkárat mat gullet sihke gávpogiidda ja boaittobealbáikkiide ja gávpogis ásset buot ahkáhaččat, njuoratmánát ja vuorasolbmot. Plánii livččii sáhttán váldit mielde olu, muhto das leat doaibmabijut mat gullet erenoamážit gávpogiidda. Plánas leat áššit maidda Norgga Sámiid Riikkasearvi (NSR) sáhttá váikkuhit ja sáhttá rievdadit.

Oaiviliid sáddet čállingoddái odal njukčamánu 1. beaivvi 2007.

Mediagulahallan:
NSR riikkastivalahttu Thomas Andersen thomas.andersen@same.net 95749521
NSR-jođiheaddji Silje Muotka leder@nsr.no 98487576
Báikkálaš servviid jođiheaddjit.

Gávpotpolitihkalaš plána (PDF-fiila)