Retter čujuha ahte ođđa skuvlaođastus, máhttolokten, mielddisbuktá oahpponeavvodárbbu ollu ođđa fágain, erenoamážit joatkkaskuvladásis. Son lohka šállošahtti go manná beare guhkes áigi juoksat dohkálaš oahpponeavodili. Dát lea dohkketmeahttun dilli sámi servodahkii, lohka Gunn Britt Retter. NSR/SáB deattuha ahte oahpponeavvoráhkadeapmi maiddái lea Norgga eiseválddiid ovddasvástádus ja gáibidit ahte stáhta sihkkarastá ruhtadeami sámi máhttoloktemii.
Oahpponeavvobuvttadeapmi
- Lea áibbas dárbbašlažžan garrasit buoridit sámi oahpponeavvobuvttadeami ja vuoruihit ja deattuhit sámiskuvlla mii sihkarasttašivččii sámi kultuvrra boahtteáiggi. Danne evttoha NSR/SáB ahte lágiduvvo sámi oahpponeavvojahki skuvlajagis 2009-10, lohka sámediggeáirras, Gunn Britt Retter. Son lohka dákkár barggu gáibidit vuđolaš ráhkkaneami, ja čohkket searaid buot dásiin oččodan dihtii sámi oahpahusa dili dohkálas dássai.
Sámediggi máksá oasi
NSR/SáB árvala ahte Sámediggi berrešiivččii bidjat iežas oassemávssu ja dainna lágiin geatnagahttit Stáhta dán áššis. Gunn Britt Retter čujuha ahte oahpponeavvojahki ii galgga hehttet dan oahpponeavvoráhkadeami mii juo lea álggahuvvon. Oahpponeavvobuvttadeapmi iige galgga bisánit máŋŋil dákkár áŋgiruššama, danin go oahpponeavvut dađistaga fertejit ođasmahttojuvvot, buoriduvvot ja ráhkaduvvot, lohpaha Gunn Britt Retter.
Gulahallanolmmoš:
Gunn-Britt Retter 78 95 92 22 / 913 59 222 gunnbritt@gmail.com
Kommenter denne artikkelen
Tips en venn Gå tilbake