Bovdejupmi čoahkkimii - Movt studeanttaid rekrutteret lullisámi oahpuide

Goas: Gaskavahku juovlamánu 6. beaivvi 2006 dii. 1000-1600
Gos: Rica Nidelven Hotell, Troandin

Sámediggeráđđi ráđđadalai máhttoministtariin Kárášjogas čakčamánu 12. beaivvi 2006. Máhttoministtar siđai diehtit makkár doaimmat livčče avkkálaččat vai mii nagodivččiimet lasihit studeanttaid logu lullisámegieloahpuin alit dásis, eandalit lullisámi oahpaheaddjeoahppui.

Rekrutteren vuoruhuvvo

- Čoahkkima ulbmil lea oažžut buriid evttohusaid das mo studeanttaid sáhtášii rekrutteret lullisámi oahpuide. Daid evttohusaid vuođul maid oažžun, de áiggu bivdit čoahkkima máttominstariin ja árvalit sutnje konkrehta doaimmaid mat nannešivčče lullisámi oahpu, muitala Jarle Jonassen (NSR) sámediggeráđis.

Geavatlaš dieđut - dieđiheapmi

Čoahkkin lea dan láhkái ahte sámediggeráđi lahttu Jarle Jonassen vuos muitala oanehaččat. Dasto muitalit ásahusat veaháš iežaset birra ja de ságastallojuvvo rekrutterendoaimmain. Oasseváldit/ásahusat fertejit ieža máksit mátkki ja orruma, muhto Sámediggi guossuha borramuša. Dieđihit galgá e-poastta bokte vuosttaškonsulentii Kevin Johansen kevin.johansen@samediggi.no dahje telefuvnna bokte 78 48 42 08 ovdal galkavahku skábmamánu 29. beaivvi 2006.

Politihkalaš gulahallan

Sámediggeráđi lahttu Jarle Jonassen (NSR) 913 98 835 e-poasta jarle-jo@online.no