RSS-feed

Velg språk!

Sámekonvenšuvdna álkidahttá davviriikkalaš ovttasbarggu
Norgga Sámiid Riikkasearvvi (NSR)riikkastivra čoahkkinasttii mannan vahkkoloahpa. Maŋábealde gurut ravddas: Ul-Johan Gaup (nuoraidlávdegoddi), Jarle Jonassen (politihkalaš nubbejođiheaddji), Thomas Ole Andersen (riikkastivralahttu), Ingrid Nordahl (riikkativralahttu). Ovddabealde gurut ravddas: Marit Einejord (organisatuvrralaš nubbejođiheaddji), Aili Keskitalo (sámediggepresideanta), Silje Karine Muotka (NSR jođiheaddji), Rita-Alise Porsanger (parlamentáralaš jođihangoddi). Govvejeaddji: NSR

Norgga Sámiid Riikkasearvvi (NSR) riikkastivra lea hui duhtavaš go davviriikkalaš ovttasbargu galgá šaddat álkkit. Das lea stuorra mearkkašupmi min beaivválaš eallimis, oaivvilda NSR riikkastivra mii čoahkkinasttii vahkkoloahpa.

Almmuhuvvon: 09.10.2006

Davviriikkalaš sámekonvenšuvdna sáhttá indirekte veahkehit min vai mii ovdamearkka dihte álkkit oažžut oktasaš sámi skuvlagirjjiid maid sáhttit geavahit sihke Norggas, Ruoŧas ja Suomas, cealká NSR-jođiheaddji Silje Karine Muotka.

Vejolašvuođaid konvenšuvdna

Davviriikkalaš sámekonvenšuvdna geatnegahttá stáhtaid ovttasbargat ja nanne ovttasbarggu.
- Beaivváš dilálašvuođas sáhttá ovdamearkka dihte mearkkašit dan ahte mii oažžut buoret vejolašvuođaid hábmet oktasaš sámi oahppoplánaid ja oktasaš sámi skuvlagirjjiid sámi ohppiide. – Dát lea sihke praktihkalaččat ja ruđalaččat jierpmálaš danne go šaddá hálbbibut ja manná jođáneappot oažžut girjjiid danne go ii dárbbaš ráhkadit sierra girjjiid Norggas, Ruoŧas ja Suomas.

Sámekonvenšuvdna váikkuha maid ollu eará surggiide. Ovdamearkka dihte ahte oppalaččat sámi mediaovttasbargu sáhttá šaddat álkkit, ja váikkuhit buori guvlui girjjálašvuođa sisaoastinortnetáššis ja sámi girjebussiid ektui mat vudjet norggabealde ja ruoŧabealde lullisámi ja julevsámi guovllus. Šaddá álkkit organiseret girjebussiid ja buoret ovttasbargu mo ruhtadit girjebussiid.

– Mii fertet maid muitit sámiid geat orrot Ruošša bealde go mii leat bargamin sámekonvenšuvnna ovddas.

Gelddolaš ministarčoahkkin

- Dát lea stuorra ja viiddis bargu mii beaivválaš dilis sáhttá addá midjiide buoret vejolašvuođaid ovttasbargat riikkarájáid rastá, danne go mii sámit han leat okta álbmot njealji riikkas. Mii ballat gal ahte ođđa ráđđehus Ruoŧas sáhttá maŋidit konvenšuvdnabarggu, muitala NSR-jođiheaddji Silje Karine Muotka vuorrástemiin.

- Danne šaddá gelddolaš gullat movt manná go golbma sámediggepresideantta ja golbma ”sámeministara” deaivvadit Oslos golggotmánu 18. beaivvi. Sámediggepresideanta Aili Keskitalo ja Bargo- ja searvádahttinministar Bjarne Håkon Hansen ovddasteaba Norgga čoahkkimis Oslos golggotmánu 18. beaivvi 2006.

Loga eanet Sámekonvenšuvnna birra dás.

Gulahallanolbmot:

NSR jođiheaddji Silje Karine Muotka leder@nsr.no mátketlf. 98487576
NSR organisatuvrralaš nubbejođiheaddji Marit Einejord org.nestleder@nsr.no mátketlf. 48095289





Kommenter denne artikkelen   
NSR medias
Evttoha ásahit priváhtaskuvllaid
Presideanta lea vuollánan
NSR ovddida otne eahpeluohttamuša
NSR ii arvan árvalit eahppeluohttámuša...
Olli ferte čilget oaiviliiddis

 

Maŋimuš kommentárat artihkkalaiidda

NSRs historie
  • Bokep Online Fardad
  • På tide å oppdatere?
Berrejit ásahit studeantastipeandda
  • 55nl
Duhtavaš go sámegielstipeanda lea lassánan
  • cuhRbaCCgbGvKR
  • Tøffa govva!

Norgga Sámiid Riikkasearvi
Norske Samers Riksforbund

Poastboksa 173 - 9521 GUOVDAGEAIDNU
Tlf.: +47 78 48 69 55  * Fax: +47 78 48 69 88 *
nsr(a)nsr.no
Mobil: +47 988 50 273 - Org.nr: 971 481 463

Hápmen: Samipress Medietjenester
Siidovuogádat:
Interkodex A/S