Sámesearvi ja Sámi álbmotbellodat duhtavaččat

- Álttá Sámiid Searvvi jođiheaddji Brita Julianne Skum ja Álttá Sámeálbmot bellodaga jođiheaddji Tore Bongo leaba hui ilus go Beaivváš Sámi Teáhter lea váldán Álttá sápmelaččaid cuiggodemiid ja sávaldagaid duođas ja bidjan teáhterčájálmasa ja turneaálggu Áltái.

Mii leat duhtavaččat go riikkadási sámi teáhter áigu searvat ja veahkehit nannet sámegielat ja sámi kultuvrralaš fálaldaga Álttás, muitaleaba Brita Julianne Skum ja Tore Bongo. 

Sámevuohta ealáskan

- Min suohkanis lea sámevuohta ealáskan maŋemus jagiid ja olbmot leat earret eará viššalit čálihan iežaset sámi jienastuslohkui. Buot buorit áššit leat fárus veahkeheamen ahte buorre ealáskahttin joatká.

Turneaálgu Álttás

Viimmat miige beassat oaidnit Beaivváš Sámi Teáhtera lávddi alde dáppá Álttás, ja mii leat rámis go Beaivváš álggaha iežas turnea dáppe Álttás. Dál mii ávžžuhit olles Álttá álbmoga boahtit vásihit Beaivváš Sámi Teáhtera distaga golggotmánu 10. beaivvi 2006 dii. 18.00 Finnmárkku allaskuvlla kultursáles. Loga maid Beaivváš čállá dás ja maid Min Áigi čállá dás.

Gulahallanolbmot:

Brita Julianne Skum, Álttá Sámiid Searvvi jođiheaddji Tlf: 97091011/ 78431753
Tore Bongo, Álttá Sámeálbmotbelloddaga jođiheaddji Tlf: 90681634